Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Video në 3D, si ndodhi aksidenti tragjik me 10 viktima në Kroaci

Politiko 26 Korrik 2021, 10:44

Video në 3D, si ndodhi aksidenti tragjik me 10 viktima në Kroaci

Mediat kroate kanë rindërtuar në versionin 3D aksidentin tragjik të regjistruar mëngjesin e djeshëm në Kroaci, ku një autobus i linjës Frankfurt-Prishtinë u përmbys në Slavonski Brod.

Ilustrimi në 3D është bërë me ndihmën e informacioneve pas një hetimi policor. Sipas ilustrimit, pasi kishte kaluar në zonën e gjelbër, autobusi i pasagjerëve ishte rrokullisur. Nga informacionet e vërtetuara, shoferi i autobusit po lëvizte në korsinë jugore në drejtim të Lipovacit, në kilometrin e 211-të, kur humbi drejtimin dhe doli nga rruga.

Eksperti kroat i komunikacionit, Goran Husinec, duke folur pas aksidentit tragjik thotë se dy shoferë në një rrugë kaq të gjatë janë shumë pak.

“Secili shofer i autobusit mund të ngasë për 9 orë brenda 24 orëve, pas së cilës ka një pushim të detyrueshëm. Dhe kur bëhet fjalë për autobus, ai duhet të pushojë për 2 orë pas 21 orësh punë, por kjo nuk respektohet.Kjo rrugë zgjat rreth 25 orë, duke marrë parasysh qëndrimet në kufij. Dhe me turmat kur është sezoni, një udhëtim i tillë mund të zgjasë deri në 30 orë, kështu tani merreni me mend.Zgjidhja është e thjeshtë. Duhet të sigurosh banesa, ku shoferët do të ndërroheshin dhe ata që vozisnin duhet të pushonin”, thotë ai.

10 persona humbën jetën dhe 45 të tjerë mbetën të plagosur në aksidentin e regjistruar mëngjesin e djeshëm në Kroaci, ku u përfshi një autobus nga Kosova i linjës Frankfurt-Prishtinë. Në bord kishte 67 pasagjerë dhe dy shoferë, ku njëri humbi jetën. Aksidenti i rëndë u regjistrua në qytetin Slavonski Brod, rreth orës 06:20 të mëngjesit

Shoferi i autobusit është arrestuar dhe sipas dëshmisë së tij dhënë policisë kroate, atë në momentin tragjik e kishte zënë gjumi.

Kjo e hënë është shpallur ditë zie në Kosovë në nder të personave që humbën jetën.

Të fundit