Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Votimet lokale në Kosovë/ Kurti akuza për ndërhyrje në procesin zgjedhor: Rezultatet për Mitrovicën do të hetohen!

Politiko 13 Tetor 2025, 15:03

Votimet lokale në Kosovë/ Kurti akuza për ndërhyrje në

Kryeministri në detyrë i Kosovës, Albin Kurti, njëherësh kryetar i Lëvizjes Vetëvendosje, ka thënë se raportimet e djeshme për komunën e Mitrovicës së Jugut, lidhur me rezultatet në zgjedhje, do të hetohen. Gjatë deklaratës së tij Kurti foli për ndërhyrje flagrante në procesin zgjedhor.

“Ajo çka ndodhi më 12 tetor rreth raportimeve për Mitrovicën duhet hetuar e hulumtuar. Nuk bëhet fjalë vetëm për huqje, por një inxhiniering të paramenduar, për ndërhyrje flagrante në procesin zgjedhor. Exitpollet e prezantuara gabimisht me 16 pikë të përqindjes dallim e më tepër se aq nga më shumë se një organizatë dhe për të njëjtën komunë, dhe postimi i lajmeve të rreme se kush ishte fituesi ende pa u mbyllur vendvotimet, nuk janë thjeshtë huqje por cenim i demokracisë, i zgjedhjeve të lira dhe i integritetit e i sigurisë së shtetit tonë. I ftoj organet e sigurisë dhe drejtësisë të merren me këtë çështje”, ka deklaruar Kurti.

Kurti tha se për këtë komunë është propaganduar që nga orët e para të mëngjesit.

“Sa i përket Mitrovicës, prej orës 10:00 është propaganduar maksimalisht se si në komunën jugore të Mitrovicës po fiton kandidati i PDK-së pa balotazh dhe madje me fitore të thellë. Minimalisht për 16 pikë të përqindjes ka pasur huqje. Por, këto huqje kanë qenë të njëjta nga disa burime dhe në të njëjtën kohë. Kjo do të thotë se ka diçka unike sipër tyre, por i përket organeve të drejtësisë dhe sigurisë që ta hetojnë dhe hulumtojnë këtë cenim të integritetit të shtetit, të sigurisë së shtetit përveçse votës së lirë të qytetarëve dhe të zgjedhjeve demokratike”, tha ai.

I pyetur për mundësitë e bashkëpunimit me partitë e tjera në balotazh, Kurti tha se do të bëjnë analizë të hollësishme për rezultatin zgjedhor, e më pas të bëjnë plane.

Të fundit