Flash News

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

U përplas me motor nga një 16-vjeçar, i moshuari përfundon në spitalin e Shkodrës

Këmbimi valutor, 18 maj 2025

Plagosje me thikë në Durrës, autori në arrati

Kosova

Vrasja e 21-vjeçares në Kosovë, i dyshuari e qëlloi disa herë me armë në kokë

Politiko 13 Prill 2024, 14:20

Vrasja e 21-vjeçares në Kosovë, i dyshuari e qëlloi disa

I dyshuari për vrasjen e 21-vjeçares dhe plagosjen e vëllait të saj 15-vjeçar në objektin e Qendrës për Punë Sociale në Ferizaj, 36-vjeçari Valon Aliu, u paraqit në seancën për caktimin e masës së sigurisë.

Ndaj Valon Aliut ekziston dyshimi se me dashje ka privuar nga jeta të ndjerën E.C, me të cilën ka bashkëjetuar, duke e goditur me armë disa herë në kokë dhe duke plagosur në krah vëllain e të ndjerës. Arma që u përdor në rast sipas prokurorit ishte pistoletë e tipit Zoraki m2906-T me kalibër 9 milimetër.

Arma është sekuestruar bashkë me një karikator të zbrazët. Në kallëzimin penal kundër të pandehurit Valon Aliu, ai po dyshohet për veprat penale – vrasje e rëndë dhe mbajtje në pronësi, kontroll ose posedim të paautorizuar të armëve.

Sipas kallëzimit penal, dëshmitare në këtë rast ka qenë punëtorja sociale Qëndresa Zymeri, e cila pos tjerash ka deklaruar se më 12.04.2024, rreth orës 14:40, në zyrën e saj në QPS, i pandehuri ka shtënë me armë disa herë në drejtim të të ndjerës, si dhe në drejtim të të dëmtuarit, vëllait të viktimës.

Edhe i dyshuari, në deklaratën e tij në polici ka thënë se brenda në zyre është takuar me të ndjerën, vëllain e saj dhe punëtoren e QPS-së.

Sipas tij, aty ka filluar debati dhe në një moment ka nxjerrë armën dhe fillimisht ka shtënë në drejtim të të ndjerës apo vëllait të saj pastaj sërish ka shtënë dy apo tri herë në drejtim të të ndjerës E.C dhe është larguar nga vendi i ngjarjes.

Kurse sa i përket armës, të njëjtën e ka blerë në Ferizaj nga një klient dhe nuk ka pasur leje për armë.

Të fundit