Zyrtare: Kosova shkon në zgjedhje të jashtëzakonshme në 14 shkurt, shpërndahet Kuvendi

Kosova shkon në zgjedhje të jashtëzakonshme në 14 shkurt.

Ky vendim është zyrtarizuar nga presidentja në detyrë në Kosovë, Vjosa Osmani, e për rrjedhojë ka shpërndarë Legjislaturën e shtatë të Kuvendit të Kosovës.

“Duke u bazuar në përgjegjësitë kushtetuese dhe Aktgjykimin e Gjykatës Kushtetuese Nr. KO-95/20, si dhe pas diskutimit me partitë parlamentare dhe Komisionin Qendror të Zgjedhjeve, kam marrë vendim të shpallë zgjedhjet dhe të caktojë 14 shkurtin 2021 datë për mbajtjen e zgjedhjeve parlamentare të parakohshme. Më këtë vendim KQZ-ja është udhëzuar t`i ndërmarrë të gjitha veprimet e nevojshme për organizimin dhe mbajtjen e zgjedhjeve për Kuvendin e Republikës së Kosovës.

Uroj që nëpërmjet këtij procesi zgjedhor, qytetarët e Kosovës të kontribuojnë për avancimin e mëtejmë të demokracisë në vendin tonë”, shkruan Osmani.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm