Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Krenaria e një nëne: “Kur Aleksandri nuk flet, skena nuk ka kuptim…”

Politiko 7 Gusht 2017, 08:46
Krenaria e një nëne: “Kur Aleksandri nuk flet, skena nuk ka

Gazetari i “Zërit të Amerikës, Ilir Ikonomi, boton në faqen e tij në facebook, një foto të aktorit të madh shqiptar, me famë botërore, Aleksandër Moisiu, së bashku me nënën e tij. Në shënimin që shoqëron foton, Ikonomi thotë se nëna e tij ishte krenare për të birin dhe se e ndiqte në cdo shfaqje. Ja psotimi i gazetarit Ikonomi:

“Kjo është një foto e rrallë e Aleksandër Moisiut me nënën e tij në Berlin në vitin 1925. Amalia de Rada, nëna arbëreshe e aktorit të famshëm Aleksandër Moisiu (1879-1935), babai i të cilit ishte nga Kavaja, ndiqte me interesim të madh çdo sukses të të birit.  Sipas gazetës austriake “Die Bühne”, 83-vjeçarja, e cila kishte mbetur e ve që nga viti 1912, ulej pranë gramafonit për të dëgjuar me orë të tëra zërin e Aleksandrit të saj dhe përshpëriste: “Una voce d’angelo!” – Një zë prej engjëlli…

Kur ndodhej në Vjenë, ajo shkonte thuajse çdo mbrëmje në teatër dhe nuk ia ndante sytë të birit. Por merrte mundimin të shkonte deri në Berlin, kur Moisiu jepte shfaqje atje.

Në Berlin, kur po shfaqej drama “Jedermann”, ndodhi diçka interesante: Gjatë njërit prej akteve, Moisiu qëndron pothuajse gjithë kohën në skenë dhe flet pandërprerë. Në një çast, shfaqet një aktor tjetër, i cili fillon një monolog, ndërsa Moisiu qëndron në heshtje.

Zonja e moshuar i drejtohet njeriut që ishte ulur pranë saj, një shkrimtar i njohur berlinez dhe i thotë: “Këtë skenë mund ta kishin hequr fare. Kur Aleksandri nuk flet, skena nuk ka kuptim…”

Aleksandër Moisiu ose Alexander, Alessandro - Moissi ose Moisi, u lind më 2 prill të vitit 1879 në Trieste dhe vdiq më 23 mars të vitit 1935 në Vjenë.

Të fundit