Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Kriminel!” Ish-ministri i përvishet Niko Peleshit: Mos more! Krimin e gjen te fletushkat fiktive

Politiko 30 Prill 2018, 09:59

“Kriminel!” Ish-ministri i përvishet Niko Peleshit: Mos more!

Mes ish-ministrit të Bujqësisë Edmond Panariti dhe ministrit Niko Peleshi ka patur replikat shumta. Shkak janë bërë midhjet e Butrintit, që sipas Panaritit po nxirren nga loja.

Pas alarmit të AKU-së për midhjet, Panariti reagoi ditën e djeshme duke shkruar, "nuk ka asnjë raport zyrtar analitik mbi ngarkesen bakteriale, serotipin e identifikuar, mostrat e mbledhura metoden zbuluese te perdorur, si ku, nga? Pse tani?! Po më parë?!. Asnjë prononcim sqarues, shtërues nga institucioni monitorues dhe analizues”.

I shpejtë ka qenë dhe reagimi i Ministrit të Bujqësisë Niko Peleshit, i cili i konsideron mashtrim fjalët e Panaritit. "PËR NJË MASHTRIM KRIMINAL

Të mashtrosh për cështje që lidhen me jetën është kriminale.

Kur je edhe profesionist i fushës është dyfish kriminale.

Ish-ministri që duhet të skuqet që nuk bëri asgjë për të cbllokuar eksportet shqiptare të molusqeve (ndonese i quan më të mirat e Mesdheut), sot përhap një mashtrim lidhur me gjoja ndalimin e tregtimit të midhjeve.

E VËRTETA ËSHTË KREJT NDRYSHE:

Analizat e midhjeve bëhen cdo 2 javë. Kur ka ndotje aktivizohet alerti. Kalimi nga qendra e depurimit i bën midhjet të sigurta për konsum.

Salmonela në midhje është sajesë e ulët.

Nuk ka patur dhe nuk ka asnjë bllokim të tregtimit të midhjeve.

Ka një detyrim të pazbatuar më parë (për këtë ish-ministri duhet të japë llogari) që midhjet duhet të pajisen me certifikatë veterinare duke kaluar nga qendra e depurimit në Butrint. Ne thjesht po e disiplinojmë këtë përmes AKU duke i bërë midhjet më të sigurta për konsumatorët. Nuk duam të gjobisim restorantet për një rregull që nuk është zbatuar, jo për fajin e subjekteve, për vite me rradhë. Ndaj AKU është në një proces sensibilizimi. Ne e quajmë arrogancë edhe ushtrimin e të drejtës ligjore të sanksioneve për shkelje që vetë institucionet i kane lejuar duke i kthyer në normë.

I kam kërkuar Komisionerit të Sigurisë Ushqimore në Bruksel, lejimin e eksportit të molusqeve (bllokuar prej 25 vitesh), por për këtë duhet të bëjmë edhe ne detyrat tona. Në qoftë se audituesit e komisionit vijnë e shohin që midhjet tregtohen pa certifikatë veterinare, nuk e lejojnë eksportin edhe për 25 vjet.

Z.Panariti këtë e quan bllokim të tregtimit të midhjeve më të mira në Mesdhe.

Në rastin më të mirë, profesori ka ngelur në klasë gjatë 4 viteve në ministri.

Në rastin më të keq, mashtron me vetëdije”.

Mirëpo replikat s’kanë përfunduar. Në një reagim tjetër në facebook, ish-ministri Edmind Panariti shprehet se fletushkat e AKU-së janë fiktive.

“Zoti Minister i Bujqesise! Une kriminel? Mos more! Krimin dhe kriminelet i gjen te fletushkat fiktive analitike te AKU-se, pa shifra, pa standarte, qe ushqejne alarmet e rreme te tipit "alert". Dikush perkujdeset per ti bere ato publike ne media per panik publik dhe per favoritizem. Keto shiko dhe mos u merr me mua sepse kjo nuk eshte personale, zoteri! Ne fakt i kam degjuar keto sajesa, tip parafabrikatesh edhe per aflatoksinat dhe hormonet,qe po tmerrojne kot se koti konsumatoret. Ndersa AKU, hesht! Kjo eshte e verteta! Te cilen ju e quani, krim. Sa per depurimin.. Midhja nuk e ka të nevojeshme, mjaft qe ti thoni Kryetares tuaj te Bashkise te Sarandes, qe te mos i shkarkoje fekalet e qytetit ne kanalin e Cukes”, shprehet Panariti.