Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kritika e parë e huaj për Reformën në drejtësi. Der Standard: Ndërkombëtarët të keqkuptuar. Rama, nacionalist dhe autoritarist

Politiko 30 Maj 2019, 12:30

Kritika e parë e huaj për Reformën në drejtësi. Der

Gazeta austriake Der Standard shkruan se ligji nuk po funksionon në Shqipëri dhe se Komuniteti Ndërkombëtar i keqkuptoi rrethanat lokale kur vendoi të zbatojë Reformën në Drejtësi. Për herë të parë, një gazetë prestigjioze e një vendi të Bashkimit Europian kritikon Komunitetin Ndërkombëtar për mënyrën se si e ka menaxhuar këtë proces, i cili ka bërë që shumë institucione gjyqësore të mos të funksionojnë, duke shkaktuar probleme në vend.

"Është krijuar një vakuum i rrezikshëm në sundimin e ligjit, e ka gjithashtu një bllokim të madh të procedimit për rastet që duhet urgjentisht të dëgjohen në gjykatë", shkruan gazeta austriake. Duket se bashkësia ndërkombëtare, i ka keqkuptuar rrethanat në terren, thekson Der Standard.

ANALIZA

Adelheid Wölfl

Qeveria shqiptare vendosi që shqiptarët që jetojnë në Malin e Zi dhe në Maqedoninë Veriore, nuk do ta kenë më të nevojshme që të kenë leje pune, nëse dëshirojnë të punojnë në Shqipëri. Ka disa vite që kryeministri shqiptar Edi Rama ka ndjekur një kurs tepër nacionalist dhe gjithmonë simpatizon idetë për Shqipërinë e Madhe. Ai përpiqet të portretizojë veten si udhëheqësi i të gjithë shqiptarëve në rajon. Vazhdimisht Rama ka emëruar qytetarët kosovarë në poste ministrore në Shqipëri. Zëvendësministri i Jashtëm Gent Cakaj është kosovar. Ai mori detyrën, pasi Rama shkarkoi në janar Ministrin e Jashtëm të njohur ndërkombëtarisht, Ditmir Bushati.

Ky i fundit kishte kundërshtuar idenë me orientim popullor të Ramës, që kishte folur në favor të ndarjes së Kosovës, në bazë të së cilës, veriu, ku jetojnë shumë serbë, duhet të bëhet pjesë e Serbisë.

Në terma afatgjatë, kjo politikë e Ramës përbën një kërcënim për integritetin e Kosovës, ndërsa forcon zërat që kërkojnë të bashkojnë Kosovën me Shqipërinë.

Më shumë autoritarizëm

Rama nuk është vetëm nacionalist, por gjithashtu vepron gjithnjë e më shumë si autoritar. Për shembull, në renditjen për lirinë e shtypit të organizatës Reporterët pa Kufij, Shqipëria së fundmi ka rënë shtatë vende, duke shkuar e 82-ta, në një krahasimin ndërkombëtar. Sulmet e qeverisë dhe grupeve tw krimit të organizuar në vitin 2018 kanë arritur nivele të paprecedentë si kurrë më parë. Reporterët pa kufij raportuan fyerje, kërcënime me vdekje dhe raporte kundër gazetarëve që kishin për qëllim t'i trembin ata. Rama vetë i kishte quajtur gazetarët "mbeturina".

Një nga gazetarët, Ylli Rakipi, e ka mbrojtur veten dhe ka ngritur një padi kundër Ramës. Më parë, Rama kritikoi Rakipin për shkak se gazetari televiziv e kishte përshkruar kreun e qeverisë si një "klloun". Diskursi politik në Shqipëri është jashtëzakonisht i ashpër. Gjithashtu kjo ka të bëjë me faktin se të dy partitë , Socialiste dhe Demokratike, kanë luftuar njëra tjetrën në mënyra që më shumë i përngjasojnë luftës shfarosëse se sa mosmarrëveshje politike.

Nuk është kursyer asnjë dhe ka përpjekje të vazhdueshme për të bërë fushatë kundër kundërshtarit politik nëpërmjet shteteve të huaja.

Demokratët bojkotojnë parlamentin

Partia Demokratike shkon aq larg sa e shfaq vendin nën qeverinë socialiste si një shtet të drogës dhe mafies, duke ia dëmtuar kështu reputacionin e shtetit të bukur të Evropës Juglindore. U bë disa kohë që Partia Demokratike (PD) bojkoton parlamentin, e kjo që nuk është e pazakontë në Evropën Juglindore. Çdo javë ka demonstrata nga opozita, që përsëri e përsëri çon në përplasje të dhunshme. Klima politike është bërë aq e nxehtë sa edhe ndërmjetësuesit qëllim-mirë, nuk shohin asnjë shans që situata të zbutet. Por shqetësimet e opozitës dhe aktorëve të tjerë të shoqërisë civile janë pjesërisht të legjitimuara.

Përmendim këtu, kostot e konvikteve që të rinjtë nuk mund të përballojnë, ose projektet ndërtimore jo të ndershme, që dëmtojnë interesat e disa qytetarëve. Por retorika e opozitës shfaqet vetëm në përplasje. Shefi i PD Lulzim Basha vazhdon të flasë për "kryeministrin e paligjshëm".

Zgjedhjet lokale në fund të qershorit

Zgjedhjet lokale do të mbahen në Shqipëri në fund të qershorit dhe pritet që situata të përkeqësohet edhe më deri atëherë. Mund të ndodhë që opozita të mos marrë pjesë. PD konservatore ka kontakte të mira në Gjermani dhe dëshiron që edhe BE të përfshihet në konflikt, siç ishte edhe rasti me Maqedoninë e Veriut në 2015. Reforma gjyqësore, e cila u përqendrua në heqjen e prokurorëve dhe gjyqtarëve të korruptuar nga sistemi, gjithashtu krijon çështje shtesë për stabilitetin në vend. Prandaj, një komision është ngritur me ndihmën e ekspertëve ndërkombëtarë, që ka kontrolluar gjyqtarët dhe prokurorët në këto dy vite. Megjithatë, ka kaq shumë gjyqtarë dhe prokurorë që janë liruar nga postet e tyre, sa tani nuk ka asnjë gjykatë supreme të vetme që punon. Jo vetëm që kjo ka krijuar një vakum të rrezikshëm në sundimin e ligjit, por ka gjithashtu një bllokim të madh të trafikut në rastet që duhet urgjentisht të dëgjohen në gjykatë. Ky nuk është vetëm faji i administratës shqiptare, por edhe i bashkësisë ndërkombëtare, e cila ka keqkuptuar rrethanat në terren.

Zgjerimi rrezikohet

Shqipëria duhej të fillonte negociatat për zgjerimin e BE-së këtë vit dhe në fakt, reforma gjyqësore është gjithashtu një akt unik reformash në rajon. Por Franca ka shkelur frenat. Parisi nuk është i interesuar për Shqipërinë dhe rajonin, por vetëm që asnjë emigrant dhe azilkërkues nga Shqipëria të mos të shkojë në Francë. Megjithatë, nëse kjo do të kuptohej në rajon, si një shenjë se nuk do të ketë më zgjerim, kjo do të dobësonte të gjitha forcat reformuese dhe mund të nxiste edhe më tutje autoritarizmin dhe nacionalizmin