Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kriza nga COVID-19, Papa Françesku apel vendeve të zhvilluara: Koha për drejtësi rikuperuese, anuloni borxhet e shteteve të varfra

Politiko 1 Shtator 2020, 16:45
Kriza nga COVID-19, Papa Françesku apel vendeve të zhvilluara: Koha

Papa Françesku ka përsëritur thirrjen për anulimin e borxhit që kanë vendet e varfra. Përmes një video-mesazhi, lideri shpirtëror i botës katolike dhe njëherësh Kryetari i Shtetit të Vatikanit, është shprehur se është koha që kriza e koronavirusit të mendohet si një mundësi për të riparë politikat ekonomike, politike dhe mjedisore. Kjo është e vetmja mënyrë, sipas Françeskut për të sjellë benefite për njerëzimin dhe tokën.

“Unë përsëris thirrjen time për anulimin e borxhit të vendeve më të rrezikuara, si shenjë e njohjes së ndikimit të rëndë të krizës mjekësore, sociale dhe ekonomike që po përballen këto vende si pasojë e COVID-19”, tha kreu i Kishës Katolike.

Që në fillim të marsit, perjudhë gjatë së cilës COVID-19 u njoh zyrtarisht si një pandemi, papa u ka kërkuar individëve, organizatave dhe qeverive të njohin pabarazitë që pandemia ka theksuar në ekonomi, në aksesin për kujdesin shëndetësor dhe arsimin, si dhe mënyrat se si modelet aktuale të prodhimi dhe konsumi kanë dëmtuar mjedisin.

Papa Françesku filloi një seri fjalimesh, drejtuar ndjekësve të tij, më 5 gusht. Këto fjalime kishin në qendër të vëmendjes disa parime se si të ndihmojmë botën të rimëkëmbet nga pandemia dhe të ecë përpara në një mënyrë që është më e mirë për qeniet njerëzore dhe për mjedisin.

Ai foli rreth transformimit të "rrënjëve të sëmundjeve tona fizike, shpirtërore dhe shoqërore dhe praktikave shkatërruese që ndajnë njerëzit nga njëri-tjetri, duke kërcënuar familjen njerëzore dhe planetin tonë".

Kujtojmë se, Banka Botërore paralajmëroi muajin e kaluar se pandemia mund të ketë çuar deri në 100 milionë njerëz në varfëri ekstreme. Ekonomitë e zhvilluara tashmë janë zotuar të pezullojnë deri në fund të vitit pagesat e borxhit të vendeve më të varfra.

Të fundit