Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryemadhi: Duket e çuditshme, por Iliri nuk ndërhyn kurrë në vendimet e mia politike

Politiko 12 Maj 2020, 08:17

Kryemadhi: Duket e çuditshme, por Iliri nuk ndërhyn kurrë

Kryetarja e LSI, Monika Kryemadhi ka insistuar sërish se presidenti Ilir Meta, njëherësh bashkëshorti i saj nuk ndërhyn asnjëherë në vendim e saj politike dhe anasjelltas.

Duke folur në ‘syri tv’, Kryemadhi tha se të dy bashkëshortët mbajnë qëndrime të ndryshme sa i përket çështjeve të ndryshme.

Kryemadhi: Ju mund t’ju duket e çuditshme, mund t’iu duket absurd por unë në vendimet politike të Ilir Metës, jo vetëm që nuk kam ndërhyrë por as nuk kam për të ndërhyrë asnjëherë sepse që të dy mbajmë qëndrime të ndryshme përsa i përket çështjeve të ndryshme.

Cim Peka: Sado e vërtetë të jetë kjo, është e pabesueshme Znj. Kryemadhi por nuk është kjo çështja.

Kryemadhi: Është e pabesueshme por kjo është e vërtetë. Pavarësisht se çfarë mendon ti, Ilir Meta ishte kundër djegies së mandateve, unë vazhdoj dhe i qëndroj djegies së mandateve, pavarësisht backgroundit dhe problematikave që ka sjellë djegia e mandateve. Unë vazhdoj t’i qëndroj bojkotit të zgjedhjeve lokale, Ilir Meta është kundër bojkotimit të zgjedhjeve lokale.

Mos mendoni që 18 deputetët që ka zgjedhur, sepse kanë qenë deputetë të zgjedhur nga Petrit Vasili në bashkëpunim me Ilir Metën, sepse Ilir Meta u zgjodh President në 28 prill të 2017-ës, 2-3 javë përpara zgjedhjeve parlamentare pavarësisht se u shtynë.

Pra, kanë qenë zgjedhja dhe preferencë e Ilir Metës në listat e deputetëve. Të jeni të bindur që asnjëri nga ata nuk do të merrte një vendim po themi që ishte në kundërshtim me Ilir Metën përsa i përket marrëdhënjes së tyre njerëzore, shoqërore por edhe normale, politike. E them këtë, sepse djegia e mandateve nuk kishte të bënte me pozicionimin politik për t’u përballur sot me këtë situatë absurde që jemi. Por kjo situatë nuk ka të bëjë më absurdin politik në të cilin jemi.

Kjo situatë ka të bëjë me ndjenjën e inferioritetit të jetës politike shqiptare, të klasës politike shqiptare edhe të medias shqiptare sepse del një ambasador në televizor dhe ju vraponi me kuç e me maç, nuk lini kamera e mikrofon pa ua vendosur nga prapa. Del një ambasadore me rroba banje në breg të detit dhe nuk ka portal që nuk e nxjerr, ‘sa bukur’.

Duhet të kuptoni një gjë, në vendimet e mia politike nuk ndërhyn kurrë Ilir Meta. Ne mund të kemi debate, mund të flasim, nuk ndajmë të njëjtat qëndrime për shumë gjëra, nuk ndajmë të njëjtat qëndrime përsa i përket komunikimit dhe ngritjes së problematikave e shumë e shumë gjëra të tjera, është zgjedhja e tij. Përsa i përket në raport me LSI-në, çdo vendim i Monika Kryemadhit nuk ka qenë individual, ka qenë vendim politik në vendim me grupin e deputetëve të LSI-së.