Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryemadhi: Kujtimi Azem Hajdari, një motiv më shumë në betejën kundër mafias dhe bandave në pushtet

Politiko 27 Tetor 2017, 19:43
Kryemadhi: Kujtimi Azem Hajdari, një motiv më shumë në

Kryetarja E lsi-SË Monika Kryemadhi ishte në Tropojë ku mori pjesë në ceremoninë e përurimit të shtatores së Azem Hajdarit. Në një postim të publikuar në rrejtin social Facebook, Kryemadhi thotë se kujtimi i heroit të demokracisë Azem Hajdari, ishte sot një motiv më shumë për të na bashkuar në betejën tonë kundër mafias dhe bandave në pushtet.  

Postimi i plotë i Kryemadhit

Me emocione të papërshkrueshme nga vizita dhe takimet sot në Tropojë.

Një qytet me vlera dhe njerëz energjikë, që në çdo moment nuk e harrojnë të kaluarën për të jetuar sa më mirë të tashmen dhe për të projektuar të ardhmen.

Kujtimi i heroit të demokracisë Azem Hajdari, ishte sot një motiv më shumë për të na bashkuar në betejën tonë kundër mafias dhe bandave në pushtet.

Përpjekja e kryeministrit në detyrë për të marrë protagonizëm gjatë ceremonisë së inaugurimit të shtatores së Azem Hajdarit, për të qenë live në ato media që i shan dhe i fyen pa limit, është tregues i qartë i frikës dhe pasigurisë. Sepse sado pushtet dhe mbështetje të kesh nga bandat, nuk arrin kurrë të jesh i guximshëm për t’u përballur me të vërtetën e dhimbshme të një pushteti në rrënim. Sado “i fortë” të ndihesh nga banditët që të rrethojnë nuk do mundesh kurrë të krahasohesh me ata që guximin dhe formimin politik nuk e vunë kurrë në përdorim të së keqes.

Shqiptarët sot po jetojnë më keq, janë më të varfër, janë të papunë e të pa shpresë për të ndërtuar të ardhmen në vendin e tyre. Ky kryeministër i ka vendosur njerëzit e ndershëm nën sundimin e krimit në pushtet e ndaj i ka ditët e numëruara. Sepse vrulli, energjia dhe idealizmi i të rinjve shqiptarë do të drejtojnë edhe aksionin popullor për ç’rrënjosjen e bandave nga drejtimi i vendit, për të rikthyer demokracinë, lirinë e ndershmërinë si vlera mbizotëruese në Shqipërinë që duam të ndërtojmë për fëmijët tanë.

 

Të fundit