Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryemadhi për 10 vjetorin e Kosovës: Ditë reflektimi, të realizojmë aspiratën e shqiptarëve për të qenë pjesë e familjes evropiane

Politiko 17 Shkurt 2018, 13:15
Kryemadhi për 10 vjetorin e Kosovës: Ditë reflektimi, të

Kryetarja e LSI, Monika Kryemadhi ka publikuar një mesazh urimi për 10 vjetorin e pavarësisë së Kosovës. Kryemadhi shprehet se sot, festa dhe hareja janë prapë pjesë e jetës së çdo shqiptari, që më shumë se kurrë ka një arsye për të gëzuar, një komb dhe shtet me moshën e një fëmije që po rritet.

Kryemadhi kërkon që dita e sotme të jetë një ditë reflektimi mbi atë çfarë klasa politike në Kosovë e Shqipëri ka bërë për të realizuar aspiratën pa kufij mes vendeve tona, atë të shqiptareve pjesë e familjes së madhe evropiane.

Reagimi:

Gëzuar Kosovë!

10 vjet më parë pavarësia e Kosovës ishte lajmi më i gëzuar për të gjithë shqiptarët anëkënd botës.

10 vjet më parë hareja dhe gëzimi ishin pjesë e jetës së çdo shqiptari, pavarësisht vendit ku ndodhej.

10 vjet më parë media ndërkombëtare i kushtoi vëmendjen maksimale shpalljes së pavarësisë së shtetit më të ri dhe ndoshta nga më të vuajturit në Evropë.

10 vjet më parë, sakrificat, përpjekjet dhe lufta e një kombi së bashku dhe me mbështetjen dhe angazhimin e ndërkombëtarëve sollën pavarësinë e munguar ndër shekuj.

Sot, 10 vjet më pas festa dhe hareja janë prapë pjesë e jetës së çdo shqiptari, që më shumë se kurrë ka një arsye për të gëzuar, një komb dhe shtet me moshën e një fëmije që po rritet.

10 vjet janë shumë pak për të fituar pjekurinë e një shteti që aspiron Evropën, por mjaftueshëm për të treguar seriozitetin me të cilin ky shtet është angazhuar për të plotësuar aspiratën e shqiptarëve të Kosovës: përfshirjen sa më shpejt në familjen evropiane.

Ndaj le të jetë dita e sotme, përveç se një ditë gëzimi, edhe një ditë reflektimi mbi atë çfarë klasa politike në Kosovë e Shqipëri ka bërë për të realizuar aspiratën pa kufij mes vendeve tona, atë të shqiptareve pjesë e familjes së madhe evropiane.

Të tjera nga 10 vjetori i Pavarësisë:

“Kosova u bë e pavarur sepse nuk u mposht kurrë!” Basha dhe Berisha urojnë 10 vjetorin e pavarësisë

Clinton dhe Bush mesazh shqiptarëve: Jemi krenarë që ndërhymë në Kosovë dhe mbështetëm pavarësinë

Dua Lipa uron 10 vjetorin e pavarësisë, njofton një surprizë për Kosovën

Rita Ora niset drejt Prishtinës, mesazh për shqiptarët

Të fundit