Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryemadhi thumbon Ramën: Përfituesi nga Bilali ende nuk e ka marrë dënimin

Politiko 6 Korrik 2019, 19:09
Kryemadhi thumbon Ramën: Përfituesi nga Bilali ende nuk e ka

Kryetarja e LSI-së Monika Kryemadhi komentoi mesazhet që kryeministri Edi Rama i ka dërguar presidentit Ilir Meta. Ajo u ndal në njërin nga mesazhet, ku flitet për Bilalin ku vuri në dukje se Bilali hyri në burg, por përfituesi nga aktiviteti i tij nuk është dënuar.

“Sot pushtetarët thonë se Kryemadhi ka një vilë që ma ka dhënë babai. Unë atë pasuri kam që më ka lënë im atë.

Unë ndaj fëmijëve të mi kam detyrë t’i shkolloj. Mesazhi tjetër ishte për gruan e Bilalit. Bilali burgun e bëri, përfituesi nga Bilali nuk e ke marrë dënimin”, tha Kryemadhi në emisionin “Kjo Javë”.

Njeriu për të cilin flitet aq shumë është Bilal Shehu, personi që financoi fotografinë e tij me ish Presidentin Obama. Shehu në 2012-ën, pagoi 80 mijë dollarë, vetëm që Edi Rama të hynte në një event ku merrte pjesë Presidenti Obama, në mënyrë që të fotografohej me të dhe ta shiste foton si një takim me Obamën në Shqipëri. Bilal Shehu u dënua për këtë veprim, sepse ligji amerikan ndalon financimet nga persona të huaj për fushatat presidenciale.

Kryemadhi u ndal edhe te nisma e PS për shkarkimin e Metës.

“Çdo dorëheqje e Metës do i jepte argument Ramës të thotë iku vetë. Sa për shkarkimin më vjen keq ta them, por Rama do bëhej si Berisha në 1997 që i mori të gjitha pushtetet.

Shkarkimi i Ilir Metës për mua do të faktonte përfundimisht, rënien e të gjithë institucioneve në dorë të një njeriu, që do mbahet mend në shek.. XXI me një psikopat të droguar. Rënia e institucioneve të presidentit do të thotë të destabilizosh Rajonin e Ballkanin. Destabilizon vendin më pro euorpian në rajon”.

Në lidhje me të ardhmen, Kryemadhi u shpreh se nuk e mendon dorëheqjen nga LSI, edhe nëse Ilir Meta nuk do ishte më në postin e presidentit të Republikës.

“Në LSI nuk do jem e përjetshme, po se mendoj dorëheqjen së afërmi, madje kam menduar një proces zgjedhor me parimin ‘një anëtar një votë’ me një anëtarësi të organizuar, dhe përveç se do kërkoj mandatin do kërkoj ndryshim të gjerave në LSI sa i përket sfidave, mendimit, etj.  LSI tashmë është një parti e konsoliduar. Reforma në drejtësi pa LSI nuk do ishte realizuar, por u kthye në një Ramaformë, që vjen si rezultat i gabimit të LSI. LSI ka shumë sfida, ka një ideologji ndryshe. “ tha Kryemadhi

Të fundit