Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryemadhi tregon gënjeshtrën e Ramës: Nuk ishte te konviktet, projekti te Inxhinieria nuk financohet nga qeveria shqiptare

Politiko 22 Dhjetor 2018, 15:21

Kryemadhi tregon gënjeshtrën e Ramës: Nuk ishte te konviktet,

Sot kryeministri Rama publikoi një video "live" nga inspektimi në punimet që po bëhen në konviktet e Inxhinierisë, por siç duket ky transmetim nuk ka qenë i drejtpërdrejtë.

Kryetarja e LSI-së Monika Kryemadhi, teksa Rama pasqyronte Live në televizione dhe në faqen e tij në 'Facebook' vizitën në konvikte, është nisur menjehërë tek këto godina, ku tregon se Rama në të vërtet nuk ndodhej "live", por ekipi i tij po transmetonte një kronikë të regjistruar më parë.

Kryemadhi u shpreh me anë të një deklarate se kryeministri duhej të ishte tek këto godina ditët kur studentët ishin aty, dhe jo kur ata janë kthyer tashmë pranë familjeve të tyre.

Kryetarja e LSI denoncoi kryeministrin Rama gjithashtu se po mashtronte shqiptarët, kur thoshte që investimet për rikonstruksionin e këtyre godinave janë të qeverisë shqiptare.

Ajo theksoi se ky është një mashtrim i madh, pasi bëhet fjalë për një projekt të nisur në vitin 2011 dhe që financohet nga qeveria gjermane.

Deklarata e plotë:

Jam e detyruar të bëjë këtë transmetim live, nga sapo pamë transmetimin live të kryeministrit tonë mashtrues, i cili përveçëse vazhdon dhe mashtron duhet demaskuar në çdo sekondë. E para njëherë ai sot shpërndan një video ku thotë që investimi është projekti i qeverisë shqiptare, gënjen. Ja ku është tabela, që nuk është projekti i qeverisë shqiptare, por është projekti i qeverisë gjermane. Mbasi falsifikoi firmën e Sekretarit të Shtetit në Amerikë tashmë po vjedh edhe projektet e qeverisë gjermane. Ky është projekt i vitit 2011 dhe duhet të kishte mbaruar në 20 dhjetor të 2018 dhe akoma nuk ka mbaruar. Por nuk mjafton kjo, por vjen edhe bën shoë mediatik për të treguar që po mbaron sa më shpejt. Po të kishte fytyrë dhe mundësi që ky njeri të vinte, le të vinte dhe të ballafaqohej me studentët kur ishte për tu ballafaquar, kur ishin studentët, jo që sot që studentët janë kthyer te familjarët e tyre. Ai duhet të kujtojë dhe të shkojë në atë godinë ku vajzës i ra tavani mbi tokë, duhet të shkojë në ato godina ku për 400 vajza ka 4 banjo, që është akoma më e tmerrshme. Ai duhet të heqi dorë nga mashtrimet, të mos ti gënjejë shqiptarët, por të tërheqi projektvendimin për uljen e tatimeve për oligarkët, dhe 1/3 e atyre parave që ja u ka falur oligarkëve ditën e enjte me një seance plenare të falsifikuar tja u japi studentëve, jo vetëm për përgjysmimin e tarifave, por edhe për të krijuar kushtet normale dhe njerëzore për studentët. Të lutem shumë Edi Rama mos vazhdo të gënjesh më, mos vazhdo të mashtrosh. Nuk do të ndahem më, këmba këmbës mbas çdo mashtrimi tënd, për të demaskuar dhe për të denoncuar para shqiptarëve. Për ta denoncuar përpara shqiptarëve. Iku koha kur mund të falsifikoje, ku mund të mashtroje. Falsifikove firmën sekretarit të shtetit, nuk ke për të falsifikuar më asgjë për vjedhjet që bën në Shqipëri.

https://www.facebook.com/KryemadhiMonika/videos/1943749855660476/