Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryeministri Rama nxit valën e shkarkimeve, ja cilët do të hiqen nga detyra

Politiko 5 Korrik 2017, 07:26
Kryeministri Rama nxit valën e shkarkimeve, ja cilët do të hiqen

Pas rikthimit në detyrë të Artan Lames, rikonfrimohet ajo që flitet se Rama ka nisur valën e shkarkimeve. Fillimisht janë drejtorët teknikë të vendosur pas marrëveshjes Rama-Basha pritet të shkarkohen, njëri pas tjetrit. Njëherësh edhe “dorëheqjet” e këshilltarëve të ministrave kanë shkuar në një linjë me shkarkimet.  Burime pranë ministrave teknikë pohojnë se atyre u është kërkuar nga kryeministri Rama që të shkarkojnë drejtorët e përgjithshëm të emëruar nga Partia Demokratike për efekte elektorale.

Rama u ka kërkuar ministrave që të vijojnë punën e tyre deri në muajin shtator, kur do të miratohet në Kuvend qeveria e re.

Kryeministri Rama e ka argumentuar shkarkimin e tyre me përfundimin e objektit të emërimit të tyre dhe emërimin e drejtorëve të PS-­së, të cilët duhet të kenë kompetenca të plota për t’u ofruar shërbime qytetarëve në zyrat e ALUIZNI­t, Drejtorisë së Burgjeve, të Hipotekave dhe të Agjencisë së Zhvillimit Bujqësor e Rural.

Por, sipas të njëjtave burime, ministrat teknikë nuk kanë pranuar që të propozojnë shkarkimin e tyre.

Në këto kushte, pritet që kryeministri Rama të firmosë vetë largimin e tyre, por si efekt i këtij veprimi mund të ketë akte dorëheqjeje nga vetë ministrat teknikë të PD.

Pas emërimit të gjashtë ministrave teknikë dhe zv.kryeministres Mandija, në fillim të muajit qershor nisi dhe emërimi i drejtorëve teknikë, qëllimi i të cilëve ishte ruajtja e administratës publike nga përfshirja e saj në fushatën zgjedhore të Partisë Socialiste dhe Lëvizjes Socialiste për Integrim.

Të fundit