4 deputetët e LSI-së që do hyjnë në parlament, fati i Petrit Vasilit dhe Kejdi Mehmetit në duart e Kryemadhit

Lëvizja Socialiste për Integrim e drejtuar mbi tre vjet nga Monika Kryemadhi në zgjedhjet e 25 prillit mundi të marrë vetëm katër mandate deputetësh.

Mandate fituese LSI nxori dy në Tiranë, një në Fier dhe një në Shkodër, ndërsa në Durrës e humbi për një diferencë të vogël votash.

Agron Çela

Sipas renditjes së listave, në Shkodër fitoi  Agron Çela, në Tiranë Monika Kryemadhi dhe Erisa Xhixho, ndërsa në Fier LSI mori një mandat, por e para në listë figuron sërish Kryemadhi.

Në këto kushte, pritet të vendosë se ku do të zgjedhë Kryemadhi të qëndrojë deputete në qarkun e Tiranës apo të Fierit.

Në varësi të zgjedhjes së Kryemadhit do të mësohet edhe emri i deputetit të katërt i LSI që do të hyjë në Kuvend, pasi në listën e Tiranës, pas Erisa Xhixhos renditet Petrit Vasili, nënkryetari i LSI, ndërsa në Fier pas Kryemadhit vjen Kejdi Mehmeti.

Kështu, qartësimi i Kryetares së LSI se ku do qëndrojë deputete do të përcaktojë edhe fatin e mandatit të katërt mes Petrit Vasilit dhe Kejidi Mehmetit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm