Flash News

Sherr mes adoleshentëve, 15-vjeçari përfundon në spital

Konstituimi i Kuvendit të Kosovës, dështon edhe propozimi për votim të fshehtë

Aksident në aksin Peqin–Elbasan, plagosen rëndë dy persona

‘Fight, fight, fight’/ PD-ASHM drejt fitores historike, LaCivita mobilizon fushatën në takimin me kandidatët

Makina përplas këmbësoren në aksin Korçë – Pogradec, ndërron jetë 43-vjeçarja

KRYESORE

7x7 nuk bëjnë 6 mln për ne, por 33 mijë euro!

Politiko 1 Maj 2025, 10:23

7x7 nuk bëjnë 6 mln për ne, por 33 mijë euro!

Kontrata e lobimit të Partisë Demokratike në SHBA duket se po i dhemb Ramës më shumë se sa halli i 11 Majit.

Nga komunikimet në “Sy m’sy”, Rama iu foli ndjekësve për aritmetikën e së famshmes “7x7” dhe njëherazi, iu referua lobimit të PD-së në SHBA.

“7×7 nuk bëjnë 6 milionë për ne, por për të gjithë ata që pinë ujë kënete dhe e derdhin çdo mëngjes këtu, mund të bëjnë edhe 6 mld edhe janë ok”, deklaroi Rama.

Për kreun e socialistëve, disa në burg, të tjerë nën hetim, e të tjerë me hesape ende të pa hapura me drejtësinë, 7x7 nuk bëjnë 6 milionë, sigurisht. Sepse për Ramën 7x7 bëjnë 33 mijë e 600 euro.

Këtë fakt e nxorri në dritë ish-zv.kryeministri në arrati, Arben Ahmetaj, i cili denoncoi lidhjet e qeverisë Rama me krimin e organizuar. Në deklaratën e tij, Ahmetaj iu referua Ergys Agasit, të cilin e quan koordinator të krimit.

Kjo verë, me çmim 33 mijë e 600 euro, është konsumuar nga Rama në një tryezë me Agasin, siç Ahmetaj deklaroi.

7x7 nuk bëjnë 6 mln për ne, por 33 mijë euro!

Vetë kryeministri i ka hedhur poshtë akuzat, me pretendimin se askush nuk e ka vërtetuar një ‘shpifje’ të tillë, siç kryesocialisti e konsideron.

“Ku e di ti këtë? Mesa shoh i referohesh profetit dhe mesa kuptoj je një farë besimtari. Ty të lejon Zoti yt të shpifësh? Shpifja në librat e shenjtë është një mëkat i rëndë. Ndonjë provë ke ti për këtë që thua. Është njësoj si të them unë për ty diçka që as nuk e ke imagjinuar. Si do ndiheshe? Do thuash se e ke dëgjuar, por kjo nuk do të thotë asgjë. Ke provë? Qenka fiksuar shishja 33 mijë euro”, deklaroi Rama.

E pra, 7x7 për Ramën bëjnë 33 mijë e 600 euro shumë kjo që mund t'i kishte dhënë fund pensioneve të ulëta, mungesës së ilaçeve për pacientët e sëmurë me tumor që vuajnë korrupsionin e Onkologjikut, familjeve në nevojë që mbahen me lëmoshën e ndihmës ekonomike, investimeve të munguara në sistemin arsimor, ose pagave, që sot po largojnë çdo ditë të rinj nga vendi.

Të fundit