Flash News

Ferri në kampin e Gjadrit, 45 tentativa plagosjesh dhe protesta të dhunshme

U zhyt në lumë për t’i shpëtuar nga mbytja, shqiptari bën tatuazh fytyrat e dy fëmijëve të ndjerë

Pse Lufta e III-të Botërore po ‘flet’, dhe Rama po hesht

Irani përballet me ndërprerje pothuajse totale të internetit

Aksident në Unazën e Madhe, përplasen dy makina

KRYESORE

Aqif Rakipi dhe Ylli Ndroqi ‘non grata’ nga SHBA, ç’ndodh tani me familjarët e tyre

Politiko 11 Prill 2022, 18:13

Aqif Rakipi dhe Ylli Ndroqi ‘non grata’ nga SHBA,

Ish deputeti, Aqif Rakipi dhe biznesmeni Ylli Ndroqi u renditën sot në ‘listën e zezë’ mes 7 personave nga Ballkani Perëndimor të shpallur non grata.

Zyra e Departamentit të Thesarit të Shteteve të Bashkuara për Kontrollin e Pasurive të Huaja (OFAC), i cilësoi si persona të cilët kërcënojnë stabilitetin e rajonit përmes korrupsionit, aktivitetit kriminal dhe sjelljeve të tjera destabilizuese. 

Si pjesë e këtij vendimi, Departamenti i Shtetit përcakton atë që rëndom njihet si ndalim i vizave,por vendim i bën ata dhe pjesëtarët e familjes së tyre të ngushtë të pakualifikuar për të hyrë në Shtetet e Bashkuara, sipas njoftimit zyrtar të OFAC.

“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Kur Shtetet e Bashkuara mësojnë se një zyrtar qeveritar i huaj është përfshirë në korrupsion madhor, Sekretari i Shtetit ka autoritetin të shpallë individët dhe anëtarët e familjes së tij/saj të afërt si të skualifikuar përgjithmonë për të hyrë në Shtetet e Bashkuara”, thuhet në njoftim.

Kujtojmë se i biri i Rakipit, Orlando Rakipi është aktualisht deputet i PS. Madje, në zgjedhjet e 25 prillit, arriti të sigurojë mbi 10 000 vota nga qytetarët e Republlikës së Shqipërisë me të drejtë vote.

Po ashtu, theksojmë se i ati i tij Aqif Rakipi, ish-deputet, e humbi përfundimisht të drejtën të hynte në Kuvend më 21 shkurt 2019, kur Gjykata Administrative i rrëzoi padinë për t’u rikthyer në Kuvend. Rakipit iu hoq mandati në vitin 2018 bashkë me Gledion Rehovicën pas verifikimit se në Itali ishte arrestuar në vitin 1998 për vjedhje. Këtë arrestim ai e kishte fshehur në formularin për dekriminalizimin dhe KQZ i hoqi mandatin pas verifikimit të shkresës që erdhi nga pala italiane përmes Interpolit.

Të fundit