Flash News

KRYESORE

Arrihet marrëveshja PD-PS për Reformën Zgjedhore: Kalon vota e emigrantëve, listat 1/3 të mbyllura

Arrihet marrëveshja PD-PS për Reformën Zgjedhore: Kalon vota e

PS dhe PD duket se kanë arritur marrëveshen për Reformën Zgjedhore. Dy partitë janë dakordësuar që listat të jenë 1/3 e mbyllur dhe 2/3 e hapur. Argumenti që kanë sjellë për këtë vendim është ruajtja e kuotave gjinore.

Kjo do të thotë se partia do ketë më shumë fuqi se votuesi për të përcaktuar se kush do të jetë anëtar i parlamentit në zgjedhjet e 2025, pra 77% e listës do të vazhdojë të jetë e mbyllur.

Palët kanë rë dakord po ashtu për t’i hapur rrugë votës së emigrantëve që kanë një adresë të saktë banimi për të votuar.

Sipas draftit , palët kanë rënë dakord që shqiptarët që ndodhen jashtë vendit, duket të bëjnë kërkesë për të votuar pranë Gjendjes Civile dhe KQZ-së, por ata duhet të paraqesin dokumentet e një adrese të saktë. “Adresa e shtetasit që voton nga jashtë territorit të Republikës së Shqipërisë mbështetet në një nga dokumentet që paraqet në KQZ, sipas pikës 5 të këtij neni. Të dhenat e identitetit të shtetasit kërkohen të verifikohen nga KQZ në Rregjistrin Kombëtar të Gjendjes Civile dhe nese ato janë të njëjta behet nga DPGJC rregjistrimi në Regjistrin Kombëtar të Gjendjes Civile i adresës së shtetasit që voton jashtë territorit të Republikës së Shqipërisë në nje rubrikë të veçantë”, thuhet ne draft.

Votimi sipas këtij drafti do të realizohet me postë, dhe ky shërbim do të përzgjidhet në operator ndërkombëtar me reputacion serioz.

Ndërkohë, pika që ndante dy partitë ishte mënyra se si do të ndahen mandatet. Socialistët kishin si kusht vendosjen e një pragu 7 mijë vota për të thyer herësin, ndërkohë që demokratët kërkonin lista 100% të hapura.

Në draft, PS ka hequr dorë nga pragu 7 mijë vota, ndërkohë që demokratët kanë pranuar që 1/3 e listës në çdo qark të jetë e mbyllur.

 

Dokumenta bashkëngjitur

Të fundit