Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Berisha flet për 'Corrirere della Sera': Marrëveshja me Italinë e rrezikshme, Gjykata e Strasburgut të ndërhyjë dhe ta anulojë

Politiko 9 Nëntor 2023, 10:33

Berisha flet për 'Corrirere della Sera': Marrëveshja me

Kryetari i Partisë Demokratike, Sali Berisha, ka folur për “Corriere della Serra” për marrëveshjen Itali-Shqipëri për refugjatët. Berisha ka thënë për median italiane se marrëveshja është e rrezikshme dhe dëmton turizmin, teksa iu referua këtu Shëngjinit.

“Në verë Shëngjini është një nga vendet më të frekuentuara nga turistët dhe sipërmarrësit italianë, këtë vit pati një bum të vërtetë, hotele dhe resorte, plazhe të mbushura me njerëz. Ndoshta kryeministrja Meloni, të cilën e respektoj shumë, e ka bërë me qëllim, që italianët të kthehen me pushime në Itali.

Kam shumë miq në Forza Italia, në Legë, në ‘Fratelli d'Italia’ edhe nëse nuk e njoh personalisht Giorgia Melonin. Por, me të vërtetë, për mendimin tim marrëveshja për emigrantët është shumë e rrezikshme për shumë arsye”, ka thënë Berisha.

Teksa renditi arsyet se pse nuk mund të pranohet kjo marrëveshje e nënshkruar mes Ramës dhe Melonit, kryedemokrati u shpreh se ka rrezik të rritet ksenofobia dhe se problemet e një vendi tjetër, mund të sillen në një vend të vogël si Shqipëria.

“Kam frikë, për shembull, se ksenofobia mund të rritet dhe nuk do të doja as të shihja protesta në rrugë kundër Italisë një ditë. Shqipëria është një vend mikpritës, mikpritës, nuk ka racizëm, por është gjithashtu një vend i vogël, i cili për këtë arsye ka frikë se problemet që kanë pasur tashmë vendet e tjera ku kanë lindur këto qendra, mund të lindin edhe në territorin tonë. Mendoj për Gjermaninë, për vetë Italinë, ku kanë ndodhur vjedhje dhe dhunë seksuale. Lajmi, për shembull, se nga Lampedusa do të mbërrijnë në Shqipëri, vetëm emigrantë meshkuj të rritur, u prit me shqetësim. Megjithatë Edi Rama premtoi publikisht vetëm dy vjet më parë se vendi ynë nuk do të priste kurrë emigrantë nga shtetet shumë të pasura perëndimore”, ka thënë Berisha.

I pyetur nëse Rama e ka bërë vërtet këtë veprim si shenjë miqësie me Italinë, Berisha tha se kryeministri mendon vetëm për pushtetin dhe interesat e tij. Kryedemokrati theksoi se Rama ka vepruar pa autorizimin e Presidentit dhe shpresoi që Gjykata e Strasburgut të ndërhyjë dhe ta anulojë marrëveshjen.

“Edi Rama mendon vetëm për pushtetin e tij, për interesat e tij, kam frikë se do të përfitojë vetëm ai personalisht nga mbështetja ekonomike që do të vijë nga Italia. Gjykata jonë Kushtetuese thotë se për t'i caktuar ekstraterritorialitetin një vendi, duhet autorizimi i Presidentit të Republikës. Edi Rama, nga ana tjetër, e ka bërë gjithçka vetëm, në fshehtësi, pa mandat. Shpresoj që Gjykata e Strasburgut të ndërhyjë dhe të anulojë gjithçka”, shton kryedemokrati.

Sa i përket akuzave që SPAK ka ngritur ndaj tij për çështjen e privatizimit të ish-kompleksit Partizani, Berisha u shpreh: “Akuza pa prova, rezultat i një makinerie nga lobet. George Soros është kundër meje”.