Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

KRYESORE

Berisha për RAI 3: Jam në arrest për arsye politike, Rama ka frikë nga rikthimi im

Politiko 22 Prill 2024, 08:15

Berisha për RAI 3: Jam në arrest për arsye politike, Rama ka

Një investigim i emisionit “Report” të RAI 3 ka hedhur dritë mbi marrëveshjen Itali-Shqipëri për emigrantët. Vëmendje të veçantë RAI 3 i ka kushtuar çështjes së liderit të opozitës, Sali Berisha.

Në një intervistë për “Report”, Berisha ka deklaruar se ai po mbahet në “arrest shtëpie” në një proces totalisht politik, për shkak të frikës që ka Edi Rama për rikthimin e Sali Berishës.

“Po. Jam në një arrest shtëpie për proces totalisht politik. Unë nuk jam i akuzuar për korrupsion, por jam vënë nën hetim, por për arsye politike, për frikën që Edi Rama ka nga rikthimi Sali Berishës dhe që ka adoptuar këto masa”, deklaroi Berisha.

Dokumentari ngriti shqetësimin se milionat e hedhura nga qeveria italiane mund të shkojnë dëm pasi nëse opozita vjen në pushtet ajo nuk do ta rinovojë marrëveshjen pas 5 vitesh kur skadon.

Berisha tha se e kishte kundërshtuar marrëveshjen Meloni-Rama teksa theksoi se qeveria e tij nuk do ta pranojë një pakt të tillë.

“E kam kundërshtuar këtë marrëveshje për problemin e të drejtave të njeriut. Nuk mund të pranosh që policë shqiptarë apo italianë janë gardianë të të drejtave të njeriut. Jo. Këto kampe duhet të ishin mbikëqyrur nga parlamentar, nga OKB-ja… Qeveria ime nuk do ta pranojë këtë marrëveshje. Ndoshta qeveria italiane nuk është e lumtur me këtë, por kjo duhet sqaruar”, u shpreh Berisha.

Të fundit