Dhimitri ‘zbërthen’ në Politiko si u refuzua platforma 'Fuga' për Akademinë e Shkencave: U rrëzua në komision me porosit të Gjinushit

Akademiku Artan Fuga, është “përplasur” së fundmi në distancë me Akademinë e Shkencave.

Fuga deklaroi në rrjete sociale se një grup deputetësh po përpiqen të ndërhyjnë për të ndryshuar ligjin në mënyrë që kryetari në detyrë të mund të rizgjidhet për një mandate të dytë, por Akademia e Shkencave i quan të pabaza deklaratat e akademikut, ndonëse ky i fundit paralajmëroi se do të paraqesë dokumente që e vërtetojnë.

Por ky debat duket se i ka fillesat e hershme. Ish-kryetarja e Komisionit të Edukimit dhe Mjetet per Informim Publik, Fatjona Dhimitri tregon në Politiko se Ligji aktual i Akademisë se Shkencave, erdhi si nje draft i sjellë nga nje grup deputetesh socialistë, kur ne te vërtetë, sipas saj ishte kopja e draftit te hartuar prej Skender Gjinushit.

Ajo permend Platformën ‘Fuga’ per Akademine e Shkencave, e cila siç thekson Dhimitri, me porosi te Gjinushit nuk u miratua ne Komisionin e Edukimit.

Si e komentoni  “përplasjen” në distancë me Akademinë e Shkencave, pasi shpalli kandidaturën për drejtues të ASH?

Prej kohësh në Akademinë e pareformuar të  shkencave, aty ku mungonte reforma e thelluar në sistemin e kërkimit shkencor, përplaseshin interesat e partisë në pushtet për uzurpimin e akademisë e nga ana tjetër platformat e disa akademikëve të cilat për vetë interesin e lartë shkencor që patën, mënjanoheshin në axhendën parlamentare prej grupeve të interesit.

Gjate kohës që kam drejtuar Komisionin e Edukimit dhe Mjetet për Informim Publik ne axhendën e punimeve të komisionit u paraqit i ashtuquajturi projektligji sot Ligji i Akademisë së Shkencave, si një draft i sjellë nga një grup deputetësh socialistë, kur në të vërtetë ishte kopja e draftit të hartuar prej Skender Gjinushit e dorëzuar deputetëve të mazhorancës socialiste për të shtënë në dorë akademinë e shkencave, në këmbim të shitjes së Partisë së tij.

Akademiku Fuga shkruan në një reagim se në këtë institucion ka një ligj i cili i bën drejtuesit e “përjetshëm” mandatin e tyre. Si funksion ky ligj që është kundërshtuar edhe nga ju si ish kryetare e Komisionit të Edukimit dhe Mjetet për Informim Publik?

Me lejoni të përmend Platformën Fuga për Akademinë e Shkencave e cila me porosi të Gjinushit nuk u miratua në Komisionin e Edukimit, platformë e cila ngjalli mjaft interes në opinionin publik për rëndesinë që i kushtohet lirisë së mendimit shkencor.

Drafti "Gjinushi"kaloi përmes debatit në seancat dëgjimore gjatë punimeve të Komisionit, kulmoi me kalimin e ligjit  në maj të 2019 duke e vendosur kështu shkencën nen udhëheqjen e propagandës politike.

Ndërkohë që Ligji i shumëpritur prej Gjinushit po diskutohej në parlament,  kryesia e Akademisë së Shkencave organizon zgjedhjet, sipas ligjit të vjetër e kështu në 24 maj të vitit 2019, Gjinushi veteshpallet Kryetar i Akademisë ...me tej nuk arrin të dekretohet prej Presidentit te Republikës, çka e bën atë  sot një kryetar te paligjshëm në krye te institucionit te shkencës...duke manipuluar me organikën e akademisë, pagat e fryra, nivelin e botimeve shkencore, abuzimet me pjesëmarrjen ne komisionet shkencore etj...

Profesor Fuga deklaron se janë dy deputetë të cilët po iniciojnë ndryshimin ligjor për rizgjedhjen e kryetarit disa herë, pra për t’i dhënë një mandat të dytë. Madje, njofton se  posedon fakte dhe do i botojë. Kush qëndron pas këtij akti që pretendon akademiku?

Dua të kujtoj një thënie emblematike të Shalsit në fushatën e 2013 në një studio televizive: " Ne nuk do vjedhim si këta" "Ne do vjedhim me ligj". Dhe në fakt ajo po ndodh. Po zaptojnë çdo institucion me ligj. Vetë e bëjnë vetë e zhbëjnë sipas rritjes se oreksit të cdo njeriu te babëzitur për lekë.

Këtu kam ndërmend disa  akademikë që janë nënshtruar kokë e këmbë një vasali. Jam e idesë që jo vetëm Prof. Fuga duhet të kandidoje por edhe te tjerë dhe te fitoje më i miri. S.F