Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Diella” fut në borxhe qeverinë, Reuters: Shteti i detyrohet Anila Bishës deri në 1 milion euro

Politiko 13 Shkurt 2026, 18:16

“Diella” fut në borxhe qeverinë, Reuters: Shteti i

Aktore e njohur shqiptare, Anila Bisha, ka paditur qeverinë për përdorimin pa leje të fytyrës dhe zërit të saj në krijimin e avatarit të “ministres virtuale”, Diella.

Kur kryeministri Edi Rama nisi mandatin e katërt në shtator, ai prezantoi ministren virtuale të krijuar nga inteligjenca artificiale, që do të mbikëqyrë dhënien e kontratave qeveritare si hap për të luftuar korrupsionin.

Diella përdor fytyrën dhe zërin e Anila Bishës, aktore në film dhe teatër, e cila thotë se kurrë nuk ka dhënë pëlqimin për përdorimin e saj në këtë mënyrë. Ajo ka përjetuar ngacmime online dhe vëmendje të padëshiruar në rrugë.

“Fillimisht u habita, qeshë dhe thashë që duhet të jetë shaka. Tani njerëzit më thërrasin Diella dhe më shohin si thjesht një tjetër ministre të qeverisë,” tha Bisha për Reuters.

Aktorja shpjegon se kishte lejuar përdorimin e imazhit të saj vitin e kaluar vetëm për një asistent virtual të bazuar në AI për e-Albania, jo si politikan virtual në kabinetin e kryeministrit.

“Personat që nuk pëlqejnë kryeministrin, tani nuk më pëlqejnë më mua,” shton ajo.

Qeveria mohon përdorimin e paligjshëm të imazhit të Bishës. Zyra e shtypit e qeverisë tha: “Padia është e pabazë, por mirëpresim mundësinë për ta zgjidhur njëherë e mirë në një gjykatë.”

Qeveria shqiptare ka pasur një imazh publik të dëmtuar që nga dhjetori, pasi një njësi e posaçme e Prokurorisë akuzoi zv/kryeministren Belinda Balluku për ndërhyrje në tenderët e projekteve infrastrukturore, akuzë që ajo e mohon.

Imazhi i Diellës shfaqet në rreshtin e parë të listës së kabinetit në faqen e qeverisë, pranë fotove të Ramës dhe Ballukut.

Gjykata pritet të vendosë të hënën nëse do të urdhërojë qeverinë të ndalojë përdorimin e imazhit të Bishës. Avokati i saj, Aranit Roshi, tha se Bisha kërkon 1 milion euro dëmshpërblim.

“Sipas ligjit, në raste të shkeljes së të dhënave personale, penalitetet për institucionet shtetërore shkojnë deri në 21 milion euro, prandaj kërkesa jonë për 1 milion është një shumë e arsyeshme,” tha ai.

Të fundit