Draft-raporti i PE-së për Shqipërinë 'shuplakë' Ramës: Zgjedhjet jo të barabarta, politika ndërhyn në sistemin gjyqësor

Politiko.al ka zbardhur draft-raportin për Shqipërinë në Parlamentin Europian, i përpiluar nga raportuesi për vendin tonë Andreas Schieder në Komisionin e Punëve të Jashtme në PE. 

Në draft-raportin e Parlamentit Europian evidentohen një sërë problematikash teksa shprehet shqetësimi për korrupsionin, krimin, ndërhyrjet politike në drejtësi, mungesën e pavarësisë së medias etj. Schieder ndalet edhe te integrimi duke theksuar se Shqipërisë i duhen ende shumë reforma për të përmbushur. 

Konkretisht: 

Skena Politike dhe Polarizimi
Denoncohet polarizimi ekstrem politik dhe mungesa e dialogut konstruktiv mes shumicës dhe opozitës.

Kritikohet përdorimi i retorikës përçarëse dhe sulmeve politike nga të gjitha palët, me theks te nevoja për respektimin e rolit të Parlamentit dhe institucioneve. 

Zgjedhjet e 11 Majit 2025

Raporti thekson se zgjedhjet ndonëse kompetitive, nuk ishin të barabarta, për shkak të: Përdorimit të resurseve shtetërore nga partia në pushtet dhe avantazheve sistemike për mazhorancën. 

Kërkohet reformë gjithëpërfshirëse zgjedhore dhe zbatim i plotë i rekomandimeve të OSBE/ODIHR dhe Komisionit të Venecias.

Integrimi Europian
Parlamenti përshëndet angazhimin e palëkundur të Shqipërisë për integrim në BE dhe harmonizimin e plotë me politikën e jashtme të BE-së, përfshirë sanksionet ndaj Rusisë dhe Bjellorusisë.

Vlerësohet synimi për të mbyllur negociatat e anëtarësimit deri në fund të vitit 2027 dhe hapja e dy klasterëve gjatë 2024.

Parlamenti thekson nevojën për reforma të thella në sundimin e ligjit, luftën ndaj korrupsionit, të drejtat themelore dhe median e lirë.

Sundimi i Ligjit dhe Drejtësia
Shqetësime për ndërhyrje politike në sistemin gjyqësor, përfshirë: Mungesë integriteti në emërimet në KLGJ dhe KLP

Presion ndaj gjyqtarëve

Kërkohet forcim i pavarësisë institucionale, zbatim real i reformës në drejtësi dhe ndëshkim i korrupsionit në nivelet e larta. 

Media dhe Liria e Shprehjes
Raporti thekson përkeqësimin e klimës për median e lirë dhe gazetarët, për shkak të: Përqendrimit të pronësisë mediatike dhe lidhjeve të saj me politikën, presionit, intimidimit dhe mungesës së transparencës financiare. 

Denoncon retorikën anti-mediatike nga zyrtarë të lartë shtetërorë dhe kërkon mbrojtje të fortë ligjore për gazetarët.

Korrupsioni dhe Financimi Publik
Shqipëria renditet në vendin e 80-të në Indeksin e Korrupsionit (TI 2024), që nënkupton mangësi të theksuara në luftën kundër korrupsionit në nivele të larta.

Theksohet mungesa e rezultateve në konfiskimin e pasurive kriminale dhe mbështetja e pamjaftueshme institucionale për gjyqtarët që përballen me kërcënime.

Dezinformimi dhe Ndikimi i Jashtëm
Evidentohet rritja e ndikimit keqdashës të aktorëve të huaj, veçanërisht narrativave pro-Kremlinit, sulmeve kibernetike, dhe ndërhyrjeve në media.

Kërkohet rritje e rezistencës institucionale ndaj financimeve të fshehta politike dhe manipulimit mediatik. 
 

Transparenca dhe Qeverisja
Kritikohet mungesa e transparencës në konsultimet publike dhe zbatimi formal i tyre nga Kuvendi.

Qeveria ftohet të përmirësojë qasjen në informacion, auditimin e brendshëm publik dhe zbatimin e rekomandimeve të Kontrollit të Lartë të Shtetit. 

Ligji për Zonat e Mbrojtura dhe Projektet Strategjike
Parlamenti Europian shpreh shqetësim serioz për ndryshimet në Ligjin për Zonat e Mbrojtura, që lejojnë ndërtimin e projekteve të mëdha në zona ekologjikisht të ndjeshme.

Kërkohet anulimi i këtyre ndryshimeve, për të ruajtur përputhshmërinë me ligjin kombëtar dhe ndërkombëtar për mjedisin.

Pjesë nga draft-raporti: