‘Ethet’ e 25 prillit, kush janë emrat e sigurt në listat e kandidatëve për deputetë të PS dhe PD

Ndërsa na ndajnë edhe pak ditë nga 8 marsi, afati i fundit i dorëzimit të listave nga subjektet politike në KQZ për zgjedhjet e 25 prillit, prej ditësh kanë nisur të konfirmohen edhe kandidatët për deputetë.

Nëse ndalemi në dy partitë kryesore PS dhe PD, më poshtë do të rendisim se cilët janë kandidatët më të sigurt që pritet të renditen në listat e kandidatëve për deputetë.

Sa i takon PS, kreu i qeverisë Edi Rama deklaroi se grupi aktual parlamentar do të jetë boshti i skuadrës së re që do të krijojë për zgjedhjet e 25 Prillit, njëherësh edhe drejtuesve politikë në qarqe.

Në Tiranë

E konfirmuar sot nga kryeministri Edi Rama, Etilda Gjonaj, ministre e Drejtësisë, drejtuesit politikë, Elisa Spiropali, kryebashkiaku Erion Veliaj, Ervin Bushati.

Në listën e Tiranës pritet të renditen edhe tre deputetë të opozitës së re Halit Valteri, i cili disa javë më parë publikoi foto në një takim elektoral krah ministres së Shtetit për Marrëdhëniet me Parlamentin, Elisa Spiropali, Toni Gogu, prefekti i Bashkisë Tiranë, ministrja Belinda Balluku, Fidel Ylli, i cili deri tani ka qenë deputet i Durrësit, ministri i Rindërtimit Arben Ahmetaj , Dallëndyshe Bici, shefe e IKMT-së, dhe Alqi Ballko, drejtor i përgjithshëm i ujësjellësve, Blerina Gjylameti, Ulsi Manja , Mimi Kodheli, ndërsa sot nënkryetarja e Kuvendit Vasilika Hysi konfirmoi se nuk do të garojë në zgjedhje.

Mes tyre pritet edhe ish deputetja e PDIU, Reme Lala, deputeti i dalë nga listat e LSI, Ylli Shehu, Edmond Rrushi, i cili do të drejtojë fushatën në njësitë administrative Zall Bastar, Zall Herr, Bërxull dhe një pjesë të qendrave të votimit në Laprakë.

Në Durrës, Edi Rama, Ardian Çela, ish ministri i LSI, Lefter Koka, ministrja e Bujqësisë Milva Ekonomi, mjekja e njohur Klodiana Spahiu. Në mëdyshje Eglantina Gjermeni, e cila u renditën 4 vite më parë ndër 3 vendet e para në listë nga kryeministri Edi Rama. 

Rama nuk mund t’i besojë më deputetit Rrahman Rraja, i përfolur disa herë për skandalet e djalit dhe të afërmve të tij.

Në Vlorë, Edi Rama, Damian Gjiknuri, Anila Denaj, ministrja e Financave është dërguar për fushatë në qarkun Vlorë, ku edhe pritet të kandidojë, Alket Hyseni për Sarandën,

Në Elbasan, veç numrit dy të PS, Taulant Balla, ministrja e Arsimit Evis Kushi, Albana Hana, vajza e ish-prokurorit Xhevat Hana, e prezantuar nga Rama përmes portalit “deputeti që duam”.

Në Berat, ministri Bledi Klosi, ish-ministri i LSI-së Nasip Naço dhe ish-shefi i Shtabit të Përgjithshëm Bardhyl Kollçaku, i cili pak ditë më parë ka fituar gjyqin me Presidentin dhe Ministrinë e Mbrojtjes për largim të padrejtë nga puna.

Në Korçë, Niko Peleshi, Edlira Bode, Artan Lame, Dhora Dajko, Ilir Pendavinji  

Fier, Gramoz Ruçi, Erion Brace

Gjirokastër, Bledi Çuçi, ish ministrja Mirela Kumbaro, Eriola Brahaj, deputete e opozitës së re që doli nga listat e LSI,

Në Kukës: Safet Gjici, kryetari i bashkisë, aktorja e humorit Arjola Demiri  

Në Shkodër, Ilir Beqaj, prefektja, Majlinda Agoni,  Paulin Sterkaj, si përfaqësues i M.Madhe. Një emër i lakuar, është edhe ai i Megi Ajtyresa, koordinatore për PS Bashkia Shkodër, ndërsa vlet të theksohet fakti se drejtuesi politik i fushatës së 2017- ës Ditmir Bushati, mund të mos jetë pjesë e listës së Shkodrës. 

Në Lezhë, Lindita Nikolla, Eduard Ndreca,

Dibër, Olta Xhaçka,

 

Lista e PD:

Deri tani për Qarkun e Tiranës te Partia Demokratike janë të konfirmuar në listë tetë drejtuesit politik: Jorida Tabaku, Grida Duma, Belind Këlliçi, Albana Vokshi, Aldo Bumçi, Flamur Noka, Alfred Rushaj, Agron Shehaj, gjithashtu dhe kryetari i PD-së Lulzim Basha dhe ish-kryeministri Sali Berisha. Gjithashtu në listën e sigurt të PD-së për Tiranën pritet të jenë dhe tre aleatët Fatmir Mediu i PR, Dashamir Shehi i LZHK dhe Shpëtim Idrizi i PDIU-së. Për t'iu bashkuar kësaj liste janë përfolur dhe zëdhënësja e PD-së, Ina Zhupa dhe regjisori Robert Budina i cili njihet si një ndër figurat kryesore në mbrojtjen e kauzës së Teatrit.

Qarkun e Durrësit listën pritet ta udhëheqë nënkryetari i PD-së, Edi Paloka, ndërsa pas tij pritet të renditet kreu i PAA-së, Agron Duka. Pjesë e sigurt në listën e Durrësit pritet të jetë dhe Oerd Bylykbashi. Në media është përfolur se Basha në listën e Durrësit do të surprizojë dhe me emrin e ish-misit Floriana Garo.

Qarkun e Elbasanit do ta udhëheqë sekretari i Përgjithshëm i PD-së, Gazment Bardhi. Pjesë e listët pritet të jetë dhe ish-deputeti Luçiano Boçi , mund të surprizohet gjithashtu dhe emrin e Endri Hasës i cili është përjashtuar nga Komisioni i Vlerësimit.

Në Qarkun e Shkodrës lista do të kryesohet nga drejtuesi politik i PD-së Helidon Bushati, ndërsa i përfol deri tani për tu renditur pas tij është ish-deputeti Bardh Spahia. Pjesë e listës së Shkodrës është e konfirmuar që do të jetë dhe kreu i PDK-së, Nard Ndoka.

Në Dibër, krahas Xhelal Mziut, i cili është dhe drejtuesi politik i Qarkut, pjesë e listës fituese do të jetë dhe Sali Shehu si përfaqësues i FRD-së. Gjithashtu në këtë qark pritet të rikandidojë dhe Dhurata Çupi.

Në Korçë, lista do të udhëhiqet nga Edmond Spaho, ndërkohë që pas tij prite të renditet Ervin Salianji, edhe pse është një ndër të përjashtuarit e Komisionit të Vlerësimit. Pjesë e listës do të jetë dhe Andrea Mano, i cili dha dorëheqjen si drejtuesi i degës së PD-së Korçë për shkak të kandidimit për deputet, gjithsesi ende nuk është e konfirmuar nëse do të jetë te lista fituese. Në Korçë pjesë e listës fituese mund të jetë dhe kreu i PBDNJ-së, Vangjel Dule, i cili prite të zgjedhë mes Qarkut juglindor dhe Vlorës.

Në Vlorë, emri i vetëm që dimë deri tani që do të jetë në listën fituese është drejtuesi politik Bujar Leskaj, por siç e cituam dhe më lart pjesë e listët ndoshta do të jetë dhe kreu i PBDNJ-së, Vangjel Dule.

Po ashtu dhe në Qarqet e Kukësit, Fierit, Beratit, Lezhës dhe Gjirokastrës deri tani të vetmit emra që dimë janë drejtuesi politikë, Flamur Hoxha, Enkelejd Alibeaj, Tomorr Alizoti, Mark Marku dhe Tritan Shehu.

Pjesë e listave fituese të PD-së pritet të jenë dhe emrat si Çlirim Gjata, Dorian Teliti, Ivi Kaso, etj. por ende nuk e dimë se në cilët qarqe do të kandidojnë.