Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Florjon Mima bën parashikim në Politiko: Si pritet të jetë ekonomia në vitin 2023?

Politiko 1 Janar 2023, 12:00

Florjon Mima bën parashikim në Politiko: Si pritet të jetë

Rritja e çmimeve dhe inflacioni i lartë shoqëruan ekonominë e vitit 2022 në Shqipëri. Çmimi i naftës shënoi nivele rekord duke arritur deri në vlerën 265 lekë/litri, niveli më i lartë i shënuar ndonjëherë në vend. Çmimet e ushqimeve të shportës po ashtu shënuan rritje të ndjeshme.

Eksperti i ekonomisë Florjon Mima ka bërë një parashikim se si pritet të jetë ekonomia në vitin 2023.

Për Politiko, Mima tha se ekonomia e vitit të ardhshëm vjen me një pasiguri të madhe, duke marrë parasysh borxhin publik, PPP-të dhe koncesionet. Mima u shpreh se qeveria nuk ka bërë të ditur gjendjen e borxhit publik, apo edhe fashën 800 kW për të cilën qeveria fillimisht u deklarua e bindur se do ta zbatonte dhe më pas e anuloi.

Mima shton se pasiguria vjen edhe nga amnistia fiskale, ligj për të cilin qeveria shqiptare është kritikuar edhe nga ndërkombëtarët, sukmet kibernetike nga hakerat iranianë që vazhdojnë edhe sot apo shpopullimi që po ndodh për shkak të largimit masiv të të rinjve nga Shqipëria.

"Viti që po vjen po troket me pasiguri e paqartësi të mëdha. Rrisqeve të përvitshme, 10 vjeçare, të kësaj qeverisje amatore, antikombëtare e shpesh kriminale, u shtohen edhe rreziqe të reja për të cilat vendi nuk ka gati asnjë strategji përballjeje. Ne sot nuk dimë se sa është borxhi i konsoliduar publik, shifrat e qeverisë janë totalisht të ndryshme nga ato të KLSH dhe FMN.

Ne nuk dimë sesi do të evolojë tregu i interesave dhe si do të lëvizë kursi i kembimit, së bashku me ndikimin që këto kanë në borxhin publik; ne nuk dimë se ç'pjesë e vlerës së PPP-ve është kontabilizuar në borxhin publik; nuk dimë ç'do të ndodhë me çmimet e energjisë dhe nëse qeveria do të vendosë më në fund për aplikimin e fashës 800 kW; nuk parashikojmë dot se ç'do të ndodhë me çmimet e stërritura të ushqimeve dhe nëse buxheti do vazhdojë të sigurojë të ardhura të paparashikuara e të mos shpërndajë asnjë qindarke për të pamundurit; ne mund të marrim me mend rritjen e paimagjinueshme të punësimeve elektorale dhe të investimeve kapitale elektorale në pjesën e parë të vitit por nuk mund t'i kuantifikojmë me saktësi për qëllime analize; thjesht mund të imagjinojmë por kurrë të përkthejmë në impakt për ekonominë e vendit sjelljen e depozituesve a kredimarrësve përkundrejt bankave ku kanë depozituar paratë a ku kanë marrë huatë në kushtet e sulmeve kibernetike të të dhënave financiare individuale; po kështu nuk mund të parashikojmë impaktet që do të prodhojë ligji i kriptomonedhave mbi financat individuale dhe ato publike si edhe ligji tjetër i shumëpërfolur i amnistisë fiskale; nuk dimë ç'do të ndodhë me portet e vendit a me autostradat e florinjta; nuk dimë se sa e lartë do te jetë hemoragjia e largimit të të rinjve dhe impaktin e saj në forcën e punës. Ne mund të vazhdojmë pa fund duke listuar pasiguri a rrisqe potenciale mbi ekonominë e vendit", tha Mima për Politiko.

Eksperti i ekonomisë vlerësoi se zgjedhjet vendore të 14 majit janë shpresa për të ardhmen e vendit.

"Ka vetëm një rreze drite, një fije shprese, që e gjitha kjo rrumpalle qeveritare të marrë goditje fatale për të: zgjedhjet vendore të majit 2023 mund të kenë një ndikim të paimagjinueshëm në të ardhmen europiane të vendit. Ato mund të shndërrohen në preludin e ngjarjeve të mëdha dhe Shqipëria më në fund të refuzojë modelet e patronazhimit trushpëlarës rilindist e, të hyjë përfundimisht në rrugën e zhvillimit të qëndrueshëm politik, social e ekonomik si një vend i maturuar demokratik”, ka thënë Mima.