Flash News

Përplasen dy automjete në aksin Laç–Patok, plagoset njëri nga drejtuesit

Aksidentohen në Berat çifti i turistëve nga Arabia

Sulmoi me thikë shkrimtarin duke e verbuar në njërin sy, dënohet me 25 vite burg autori

I biri plagosi me thikë të miturin, nëna e 14-vjeçarit: Në shtëpi erdhi me policinë

Protesta e PD/ Efektivë policie në terren, vendoset gardh metalik

KRYESORE

"Garantuam ngjarjet madhore", Proda falenderon efektivët mes akuzave si palë e partisë në pushtet

Politiko 16 Maj 2025, 21:26

"Garantuam ngjarjet madhore", Proda falenderon efektivët mes

Në përfundim të disa ngjarjeve në vendin tonë nga Giro d’Italia, te procesi zgjedhor dhe samiti i sotëm i liderëve të BE në Tiranë, drejtori i Përgjithshëm të Policisë së Shtetit, Ilir Proda ka përcjellë një mesazh falenderimi ndaj efektivëve dhe qytetarët.

Përmes një mesazhi të shpërndarë për mediat, Proda thekson se Shqipëria garantoi zhvillimin e 3 ngjarjeve madhore në mënyrë të sigurt, të qetë dhe profesionale.

"Angazhimi juaj në garantimin e rendit dhe sigurisë gjatë procesit zgjedhor, garës ndërkombëtare “Giro d’Italia” dhe në veçanti gjatë zhvillimit të Samitit të Komunitetit Politik Evropian, dëshmoi edhe një herë nivelin e lartë të përgatitjes, seriozitetin dhe integritetin me të cilin secili prej jush i shërben vendit dhe qytetarëve", thuhet ndër të tjera në meszhin e Prodës. 

Përpos lavdeve, policia e Prodës ka qenë këtë periudhë edhe në qendër të akuzave, kryesisht nga opozita. 

Kujtojmë se pak ditë para zgjedhjeve, drejtuesi politik i PD-së për qarkun e Fierit, Gazment Bardhi denoncoi drejtorin e Policisë së Fierit, Skënder Hitaj, se ka dhënë urdhra ndaj vartësve të tij që të inskenojnë ngjarje dhe të pengojnë PD-në në fushatë.

Drejtuesi politik i PD në këtë qark, Bardhi, shprehet se për këto “janë informuar në kohë reale prokurorët e posaçëm dhe institucionet ndërkombëtare të monitorimit të zgjedhjeve”.

Ndër të tjera ai shkruan se Hitaj e ngatërron atë dhe kandidatët e PD-së me Belinda Ballukun, Ceno Klosin dhe Klevis Jahajn.

Gjithashtu, diten e zgjedhjeve policia arrestoi Ladi Ndoji, bashkëshortin e deputetes së PD-së Elda Hoti dhe 25-vjeçarin Amarildo Jushi, pasi akuzohet se i bllokuan rrugën një makine me pretendimin se po kryenin veprimtarinë e blerjes së votave.

Mesa duket policia “legjitimon” blerjen e votës nga ana e socialistëve dhe i vendos prangat eksponentëve të opozitës që denoncojnë rastet flagrante në shkelje të ligjit.

 

 

Të fundit