Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Inflacioni arriti 2.6% në mars, çmimet godasin xhepat e qytetarëve, kryeson transporti

Politiko 8 Prill 2026, 18:23

Inflacioni arriti 2.6% në mars, çmimet godasin xhepat e

Rritja e çmimeve në vend vijon të ushtrojë presion mbi buxhetet familjare. Në muajin mars 2026, inflacioni arriti në 2.6%, duke shënuar një rritje krahasuar me 2.1% në të njëjtën periudhë të një viti më parë.

Sipas shifrave të INSTAT, vetëm brenda një muaji, krahasuar me shkurtin, çmimet e konsumit janë rritur me 0.7%, çka tregon një ritëm të qëndrueshëm shtrenjtimi në treg.

Peshën kryesore në këtë rritje e mban sërish transporti, ku çmimet janë rritur me 7.5% në bazë vjetore. Pas tij renditet grupi i qirasë, energjisë elektrike, ujit dhe karburanteve të tjera me 4.8%, duke reflektuar kostot në rritje për shërbimet bazë.

Rritje të ndjeshme kanë shënuar edhe sigurimet dhe shërbimet financiare me 4.5%, si dhe argëtimi, sporti dhe kultura me 2.9%. Ndërkohë, mobiljet, pajisjet shtëpiake dhe mirëmbajtja e shtëpisë janë shtrenjtuar me 2.6%, ndërsa restorantet dhe shërbimet e akomodimit me 2.4%.

Në plan mujor, transporti mbetet sërish sektori më problematik, me një rritje të fortë prej 7.1% vetëm në krahasim me shkurtin. Pas tij vijnë ushqimet dhe pijet joalkoolike me 0.7%, mobiljet dhe pajisjet shtëpiake me 0.4% dhe argëtimi me 0.3%.

Nga ana tjetër, ka edhe disa lehtësime të lehta në treg. Çmimet e veshjeve dhe këpucëve kanë pësuar një rënie prej 0.3%, ndërsa kujdesi personal dhe disa shërbime të tjera janë ulur me 0.2%. Një rënie minimale është regjistruar edhe në grupin e energjisë dhe qirasë me 0.1%.

Sa i përket ndikimit në inflacionin total, kontributin më të madh e ka dhënë grupi i energjisë dhe qirasë me +0.95 pikë përqindje, i ndjekur nga transporti me +0.48 pikë përqindje dhe ushqimet me +0.44 pikë përqindje.

Të dhënat tregojnë se, edhe pse inflacioni mbetet në nivele të moderuara, disa sektorë kyç po vazhdojnë të ushtrojnë presion të drejtpërdrejtë mbi koston e jetesës së qytetarëve.

Dokumenta bashkëngjitur

Të fundit