Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Ka dhe ndonjë tjetër" - Rama ia ngarkon Xhafajt përgjegjësinë për Reformën në Drejtësi?

Politiko 26 Shkurt 2026, 14:19

"Ka dhe ndonjë tjetër" - Rama ia ngarkon Xhafajt

Kryeministri Edi Rama dha sot një mesazh të qartë gjatë mbledhjes së grupit socialist, duke mbrojtur ish-zv.kryeministren Belinda Balluku nga kërkesa për heqjen e imunitetit, pavarësisht presionit ndërkombëtar që PS të mos pengonte hetimet e SPAK.

Megjithatë, përpos Ballukut, Rama nuk i kurseu thumbat ndaj brendësisë së partisë, duke i dhënë një shkëndijë tensionit me Fatmir Xhafajn.

Siç u shpreh kryeministri, një një takim me socialistët, këta të fundit kishin bërë përgjegjës Ramën për Reformën në Drejtësi. Por, Rama tha se edhe “ndonjë tjetër” duhet të jetë përgjegjës dhe kamera fokusoi Fatmir Xhafajn.

“M’u tha troç se unë duhet të ndjehem përgjegjës për Reformën në Drejtësi. Copë. Natyrisht jo vetëm unë se ka dhe ndonjë tjetër këtu që mund të ndjehet përgjegjës”, deklaroi Rama me nënqeshje.

Pas deklaratës së kryeministrit, Xhafaj uli kokën, çka bëri të nënkuptohej se thumbi iu drejtua pikërisht atij.

Ky moment nuk është i rastësishëm. Rama dhe Xhafaj kanë pasur edhe më herët përplasje mes tyre. Madje, në zgjedhjet parlamentare të 11 Majit, Rama e la Xhafajn jashtë listave të sigurta, duke e vendosur në lista të hapur, ku Xhafaj arriti të thyente herësin dhe të siguronte mandatin e deputetit.

Në një intervistë pas zgjedhjeve të 11 Majit, Xhafaj foli hapur për tensionet me Ramën dhe “pengesat” që sipas tij i ishin ngritur gjatë mandatit.

“Po, gjatë kësaj rruge nuk kanë munguar pengesat, ishte një garë e vështirë, shumë konkurruese, me sfida të shumta dhe në disa aspekte jo të barabartë… Nuk mund ta mohoj që ka pasur sulme të ulëta nën brez dhe shpifje në media për të ndikuar në opinionin publik. Por ia dolëm falë votave të vërteta dhe të sinqerta”, u shpreh asokohe Xhafaj.

Në të njëjtën intervistë pas zgjedhjeve, Xhafaj se i ishte kërkuar të ndjehej përgjegjës për Reformën në Drejtësi.

“M’u kërkua të ndjehem përgjegjës për Reformën në Drejtësi, por kjo nuk është detyrë vetëm e imja. Ka faktorë të tjerë brenda politikës që duhet të ndjehen përgjegjës”, tha ai.

Të fundit