Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ka ende një mënyrë që Trump të mbetet President. Shpjegon Alan Dershowitz

Politiko 18 Nëntor 2020, 15:25
Ka ende një mënyrë që Trump të mbetet President.

Me shumë procese gjyqësore të hapura nga ekipi i Trump-it, të shumtë janë ata që pyesin se cilat janë strategjitë e ekipit presidencial dhe cilët janë skenarët e mundshëm që ata mund të ndjekin.

NTD Television bisedoi me ekspertin dhe avokatin ligjor Alan Dershowitz për analizën e situatës.

Alan Dershowitz është avokat, ish-profesor i Jurisprudencës në Harvard dhe prezantues i podcastit “Dershow”.

Profesor Dershowitz përmend dy lloje të padive që janë ngritur në këto zgjedhje. Njëra është padi ‘me shumicë’ (wholesale) dhe tjetra ‘me pakicë’ (retail). Paditë ‘me shumicë’, si ato në Pensilvani për shembull, merren me çështje ligjore që impaktojnë mijëra vota në çdo rast. Paditë ‘me pakicë’  si në Michigan ose Arizona, janë ato që merren me çështje rast pas rasti. Ato kanë një impakt më të vogël dhe janë më të vështira për t’u vërtetuar pasi duhen të dalin nëpër procese gjyqësore. 

Ai argumenton se cilat mund të jenë strategjitë e ekipit të Trump.

“Strategjia e ekipit të Trump nuk është që ta çojë Trump drejt 270 votave elektorale pasi kjo është e pamundur, strategjia është të mbajë Biden larg nga të fituarit e 270 votave dhe mënyra si ata mund ta bëjnë këtë është duke ngritur mjaftueshëm pengesa ligjore në mënyrë që shtetet nuk do t’i certifikojnë zgjedhjet në kohë për mbledhjen e mesit të dhjetorit të Kolegjit Elektoral”.

Ai tha se nëse Elektorët nuk kanë 270 vota për Bidenin deri në mes të dhjetorit, atëherë çështja do të shkojë në Dhomën e Përfaqësuesve (Kongres), ku Trump mund t’i fitojë zgjedhjet.

Kjo sepse në zgjedhjet presidenciale secili shtet merr vetëm një votë nga delegatët e tyre dhe Republikanët zotërojnë më shumë përfaqësues në Dhomën e Përfaqësuesve.

Dershowitz gjithshtu tha se zgjedhjet në Pensilvani nuk kishin të bënin farë me ligjin ose strategjitë legjislative por kishin të bënin me numrat.

“Nëse numri i votuesve që votuan për Bidenin dhe jo Trump, tejkalon numrin e votave që po kontestohen, atëherë zgjedhjet janë në rregull dhe Gjykata nuk do e pranojë çështjen, por nëse votat e kontestuara e tejkalojnë diferencën midis Biden dhe Trump, atëherë Gjykata merr çështjen dhe  kalon në favor të Trump”.

Përshtati në shqip: Politiko.al

Të fundit