Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Komiteti i Helsinkit kritika Kuvendit për Ballukun: Imuniteti parlamentar nuk duhet të jetë mburojë ndaj drejtësisë

Politiko 12 Mars 2026, 16:33

Komiteti i Helsinkit kritika Kuvendit për Ballukun: Imuniteti parlamentar

Komiteti Shqiptar i Helsinkit dhe organizata të tjera civile kanë reaguar me shqetësim për vendimin e Kuvendit, i cili me votat e mazhorancës, rrëzoi kërkesën e SPAK për heqjen e imunitetit dhe arrestimin e Belinda Ballukut.

Duke theksuar vonesat në shqyrtimin e kërkesës dhe debatet që ka nxitur çështja, Komiteti i Helsinkit shprehet se imuniteti i Ballukut u shndërrua në “një test për funksionimin e institucioneve demokratike, për zbatimin e parimit të barazisë para ligjit dhe për besueshmërinë e reformës në drejtësi.”

KMSh dhe organizatat e shoqërisë civile theksojnë se “imuniteti parlamentar nuk mund dhe nuk duhet të shërbejë si mburojë ndaj zbatimit të masave të sigurisë, në kuadër të një procesi penal. Ai është konceptuar për të garantuar lirinë e fjalës dhe votës së deputetit, e jo për të penguar organet e drejtësisë për një hetim të plotë, të gjithëanshëm dhe efikas të dyshimeve të lidhura me kryerjen e veprave penale.”

KMSh sqaron se “parimi i barazisë para ligjit kërkon që çdo zyrtar publik, pavarësisht funksionit politik, të jetë i hapur ndaj verifikimit të drejtësisë.” Po ashtu, vë në dukje se ndjekja efektive e korrupsionit, përfshirë rastet e nivelit të lartë, është një kusht i domosdoshëm për progresin e Shqipërisë në procesin e integrimit në Bashkimin Evropian.

“Ne i bëjmë thirrje institucioneve që:

të garantojnë që çdo proces hetimor dhe masat që janë të nevojshme përgjatë tij, të mund të zhvillohet pa pengesa institucionale;

të shmangin çdo interpretim politik të proceseve të drejtësisë që I japin atribute gjyqësore Kuvendit në tejkalim të parimit të ndarjes dhe balancimit të pushteve;

të forcojnë standardet e transparencës dhe të llogaridhënies në jetën publike.

Kërkojmë nga organet e drejtësisë të vijojnë punën me vendosmëri dhe profesionalizëm, duke dëshmuar se pavarësia e tyre është e pacenueshme nga vullneti i mazhorancave politike.

Publiku shqiptar pret që institucionet të dëshmojnë se askush nuk është mbi ligjin dhe se reforma në drejtësi mbetet një proces i pakthyeshëm në rrugën europiane të vendit.

Shoqëria civile mbetet e angazhuar në monitorimin e këtij procesi dhe në mbrojtjen e parimeve të shtetit të së drejtës, duke kërkuar që drejtësia të jetë e barabartë për të gjithë, pavarësisht fuqisë apo pozicionit politik”, thuhet në reagim.