Flash News

Përplasja mes agjentit të BKH, efektivëve dhe njerëzve të Agron Kapllanaj, reagon Policia: Disa të shoqëruar

Përfshihet nga flakët një banesë në Kolonjë

CNN: Trump mund të mbyllë rreth 30 ambasada dhe konsullata të huaja, prek edhe Ballkanin

Trump vendos më shumë tarifa për çipat kompjuterikë dhe produktet farmaceutike

E rëndë në Fier, 53-vjeçarja gjendet e pajetë në garazh

KRYESORE

"Kosova me asterik në Tiranë", PD: Rama me porosi të Vuçiçit të Beogradit del kundër çështjes kombëtare

Politiko 14 Prill 2025, 21:34

"Kosova me asterik në Tiranë", PD: Rama me porosi të

Zëdhënësja e Partisë Demokratike, Floriana Garo ngriti shqetësimin mbi trajtimin e Kosovës në një konferencë rajonale të organizuar nga qeveria e Edi Ramës.

Në një deklaratë ajo tha se përdorimi i asterikut për emrin e Kosovës në një konferencë rajonale të mbajtur në Tiranë, përbën një akt të hapur antishqiptar dhe një tradhti ndaj çështjes kombëtare.

"Me porosi të Vuçiçit të Beogradit, Edi Rama ka dalë sot kundër Kosovës dhe çështjes Kombëtare. Në një konferencë rajonale të mbajtur në Tiranë, organizatori, qeveria e Ramës, e ka paraqitur me asterik * emrin e Kosovës në materialet dhe kredencialet e eventit. Kjo ka sjellë reagimin e zv. ministrit kosovar, z. Dobruna, përfaqësues i Prishtinës, i cili ka braktisur takimin kur kërkesa që Kosova të trajtohej si e barabartë është refuzuar.
Partia Demokratike e dënon me forcë këtë akt antishqiptarie të hapur në mes të Tiranës.
Ne e konsiderojmë akt vasaliteti ndaj Vuçiç dhe një thikë në shpinë të çështjes kombëtare.
Kosova, e njohur si vend i pavarur nga shumica dërrmuese e vendeve të botës së lirë, bëhet me asterikun e Rusisë dhe Serbisë në kryeqytetin e Shqipërisë.
Pas Ballkanit të Hapur kjo është tradhtia e dytë ndaj Kosovës e Edi Ramës", tha Garo. 

Të fundit