Miku izraelit i Ramës në hetim nga drejtësia senegaleze, ka 3 biznese edhe në Shqipëri

Ron Yeffect, një biznesmen izraelit, ish-konsull nderi i Senegalit në Tel Aviv është vënë nën hetim nga sistemi i drejtësisë senegalez.

Hetimi ka nisur pasi biznesmeni ka marrë me qira disa parcela toke, duke përfshirë një truall prej 10 mijë metrash katrorë buzë detit në lagjen e pasur Plateau të Dakarit. Me ardhjen e një fuqie të re senegaleze, të gjitha dosjet e mbetura nën kontrollin e OFNAC (Zyra Kombëtare për Luftën kundër Mashtrimit dhe Korrupsionit) tani janë publikuar.

I njohur si i afërt me ish-presidentin senegalez Macky Sall, Ron Yeffect fitoi disa parcela që i përkisnin shtetit senegalez me marrëveshje të përbashkët. Përfituesi kryesor i kompanisë DSC, biznesmeni fitoi një kontratë për ndërtimin e rezidencave universitare për më shumë se 31 miliardë franga CFA (55 milionë euro).

Ndryshimi i regjimit në mars 2024 i dha fund papritur ambicieve të tij. Yeffect, konsulli aktual i nderit i Senegalit në Tel Aviv, shumë shpejt mund të thirret në Dakar për t'iu përgjigjur disa pyetjeve, vetëm nëse ky i fundit preferon të fshihet pas imunitetit të tij izraelit, shkruajne mediat vendase.

Izraeliti nën hetim me 3 biznese edhe në Shqipëri

Duket se Yennef i ka shtrirë mirë rrënjët brenda qeverisë shqiptare. 

I njohur edhe si miku i kryeministrit Edi Rama, rezulton se Yeffet është pronar i të paktën 3 bizneseve në Shqipëri.

Konkretisht, “1820 Black Oil”, “1820 Albania” dhe “UNO18” janë 3 emrat nën të cilat ai vepron zyrtarisht në Shqipëri.

“Uno18” është themeluar më 2 shtator 2024, dhe ka si fokus tregtinë e mjeteve të fluturimit, si avionë, helikopterë dhe pjesë të tjera të këmbimit të tyre.

“1820 Black Oil”, që ka si fokus tregtimin e karburanteve dhe nënprodukteve të tyre

si dhe “1820 Albania” që ka si fokus shërbimin e teknologjisë së informacionit IT.