Në promovimin e librit "Karantinë për një" nga Alfred Lela: Një rrëfim personal, që i shërben edhe shoqërisë

"Karantinë për një" është libri më i ri dhe i katërti i autorit Alfred Lela, i cili është një dedikim për mamanë e gazetarit,e cila nuk jeton më.

Sot, u mbajt promovimi i librave "Karantinë për një" me autor gazetarin Alfred Lela dhe "Kufijtë e paqetë" me autorë Jakub J.Grygiel & A. Wess Mitchell - botime nga POLITIKO.  Në eventin e promovimit, të pranishëm ishin figura të rëndësishme të politikës dhe jetës publike.

Në fjalë e tij hyrëse, Lela bëri një prezantim të shkurtër të dy librave, teksa tregoi se "Karantinë për një" është një dedikim për mamanë e tij të ndjerë.

Lela tha se ky libër është "një rrëfim personal, por që i shërben edhe shoqërisë".

"Arkëmorti i ftohtë, solid, ngjyrë panë me një Krisht të hajthem në kryq, shenjë kjo se vdekje vinte nga një vend i krishtërimit, më doli para syve ashtu siç humnera hapet para dikujt në një majëmal. E përshkova me dorë si të isha duke i ledhatuar kryet e lodhur nga pamjet e kaq shumë mjekëve, dhomave spitalore, kundërmimeve të pranëvdekjes, dëlirëve ndoshta,"- pjesë nga libri.

"Karantinë në një" është libri i katërt i autorit Alfred Lela, pas "Kam lindur i vdekur" (1995); "Secilit Shqipërinë e tij"(2013); "Fjalori politik i Berishës" (2017).

Alfred Lela është fitues i çmimit "Teodor Keko" në Gazetari dhe "At Zef Pëllumbi" në Publicistikë. Ai është autor i emisioneve "Politiko" dhe "High Albania" në Top Neës dhe drejto i "Politiko.al".