Nga Balluku te Veliaj, çfarë ndodhi në politikën shqiptare këtë javë?

Java e fundit e tetorit ka qenë ndër më të ngarkuarat politikisht për vendin, e shënuar nga hetime të bujshme, zhvillime gjyqësore dhe ngjarje që kanë prekur skenën publike shqiptare.
Në qendër të vëmendjes qëndroi hetimi ndaj zv.kryeministres Belinda Balluku nga SPAK.
Në të njëjtën javë, u nda nga jeta e ish-kryeministri Fatos Nano, figurë historike e politikës shqiptare, ndërsa Erion Veliaj u përball për herë të parë publikisht me drejtësinë pas akuzave ndaj tij.

Ndërkohë, Komisioni Qendror i Zgjedhjeve zyrtarizoi nisjen e fushatës për zgjedhjet e pjesshme në pesë bashki, çka rikthen garën politike në terren, dhe Altin Dumani, kreu i SPAK-ut, raportoi në Kuvend duke nënvizuar se “nuk ka të paprekshëm” përpara ligjit.

Hetimet ndaj Belinda Ballukut nga SPAK

Zëvendëskryeministrja dhe Ministrja e Infrastrukturës, Belinda Balluku u thirr ne 27 tetor , por nuk u paraqit në SPAK, pasi Prokuroria e POsacme nisi hetimet për një tender publik.

Vdekja e ish-kryeministrit Fatos Nano

Ish-kryeministri Fatos Nano ndërroi jetë më 31 tetor, duke shkaktuar reagime të shumta nga politika dhe publiku.
Ceremonia mortore u mbajt në Tiranë më 2 nëntor, me pjesëmarrjen e figurave të larta.

Gjykimi ndaj Erion Veliajt

Kryebashkiaku i Tiranës, Erion Veliaj, u përball me një seancë gjyqësore në Gjykaten Kushtetuese për apelimin e shkarkimit të tij si bashkiak u bë publike. Ai u shfaq publikisht para mediave për herë të parë ps arestimit në 10 shkurt.

Zgjedhjet e pjesshme vendore , nis fushata më 1 nëntor

Komisioni Qendror i Zgjedhjeve ka shpallur nisjen e fushatës zgjedhore për zgjedhjet e pjesshme në 5 bashki:, Berat, Vlorë, Tepelenë, Cërrik dhe Mat.
Opozita kishte afat deri më 19 tetor për dorëzimin e kandidatëve, ndërsa fushata zyrtare nisi më 1 nëntor.

Balluku paraqitet në SPAK

Më 31 tetor, zv,kryeministrja Belinda Balluku u njoftua zyrtarisht sërish nga SPAK për akuzën penale “Shkelje e barazisë së pjesëmarrësve në tendera apo ankande publike” lidhur me projektin e tunelit të Llogarasë. Ajo u paraqit në mesditë dhe do të përfaqësohet me avokat nga motra e saj, Pamela Qirko.

Dumani në Kuvend

Kreu i Prokurorisë së Posaçme, Altin Dumani, raportoi dje në Kuvend mbi punën vjetore të institucionit, duke dhënë detaje të rëndësishme mbi hetimet në zhvillim, sfidat institucionale dhe çështjet që kanë tronditur opinionin publik.

Duke iu përgjigjur pyetjeve të opozitës, Dumani theksoi se “nuk ka të paprekshëm” dhe se çdo zyrtar, përfshirë emra si Belinda Balluku, Erion Veliaj etj mund të hetohet nëse ka indicie dhe prova.

Rrëzohet kërkesa e PD-së për shkarkimin e Niko Peleshit 

Është rrëzuar kërkesa e opozitës për shkarkimin e kryetarit të Kuvendit, Niko Peleshi. Me 79 vota kundër dhe 10 pro Parlamenti vendosi që të rrëzojë kërkesën e Partisë Demokratike.