Flash News

KRYESORE

Nga Tinka Kurti e Robert Ndrenika, personalitetet që po flasin me gjuhën e Ramës

Nga Tinka Kurti e Robert Ndrenika, personalitetet që po flasin me

Fushatës së Partisë Socialiste mëngjesin e së mërkurës iu bashkua një personalitet i rëndësishëm i artit dhe kinematografisë shqiptare, aktorja Tinka Kurti.

Kreu i qeverisë, Edi Rama ka postuar në faqen e tij zyrtare në Facebook, një spot ku shfaqet aktorja Kurti, e cila njësohet me “Rilindjen” teksa shprehet në mesazhin e saj se në kohë të vështira vendit i duhet Edi Rama.
Kur lumenjtë dalin nga shtrati, kur sëmundja kërcënon jetën tonë. Kur përballemi me kohë më të vështira, Shqipërisë i duhet Edi Rams, ai nuk ndalet kurrë. Ai lufton për ne dhe punon për Shqipërinë si askush tjetër”, shprehet Tinka Kurti.

Më herët, Rama përdori imazhin e një tjetër aktori të mirënjohur për qëllime propagandistike në sajë të fushatës së 25 prillit, Robert Ndrenikën.

Me zë dhe figurë, ky i fundit ishte pjesë e një spoti të publikuar nga kryeministri Rama, teksa shprehet se “jemi vetëm në gjysmën e rrugëtimit tonë” dhe “akti ynë i dytë s’ka ardhur ende”.

Nga Tinka Kurti e Robert Ndrenika, personalitetet që po flasin me

Edhe pse ai mbetet një figurë e dashur për publikun për shkak të roleve të tij të shumta, Ndrenika nuk i ka shpëtuar dot shpotitjes nga publiku të cilët e kanë cilësuar këtë akt të dytë të tij një tjetër shërbim ndaj regjimit që shembi Teatrin Kombëtar. Ai ka marrë kritika të shumta nga qytetarë përmes reagimeve në rrjetet sociale, apo dhe zëra të spikatur të shoqërisë civile.

Kjo pasi Ndrenika fillimisht ishte kundër shembjes së Teatrit, por më pas u rreshtua në radhën e artistëve që iu bashkuan korit propagandistik të Erion Veliajt, që ishin pro shembjes.

Nëse mbetemi te personalitetet, kujtojmë se inxhinierja e njohur, e cila u kthye në simbolin e përpjekjeve për të dalë nga tragjedia e tërmetit u bë pjesë e zgjedhjeve dhe listave. 

Nga Tinka Kurti e Robert Ndrenika, personalitetet që po flasin me

Ajo është renditur e para në listën e PS për qarkun e Tiranës si kandidate për deputete, ndonëse në moshë të thyer, 79 vjeç.

Nëse i referohemi zgjedhjeve dhe fushatës së zhvilluar nëpër botë, p.sh në SHBA disa muaj më parë, vlen të theksohet fakti se shumica e aktorëve ‘bënë fushatën e tyre’, pra bënin thirrje ndaj qytetarëve që të shkojnë në votime dhe të ushtrojnë të drejtën e tyre kushtetuese.

Përmes postimeve në rrjetet sociale, VIP-at apelonin për pjesëmarrje në votime dhe duke mos i dhënë rëndësi kandidatit apo partive politike. 

Të fundit