Pas Berishës/ Shkarkimi i Nokës ‘ndez’ zërat kundër Bashës brenda Partisë Demokratike

Vendimi i fundit i kryedemokratit Lulzim Basha për të shkarkuar Flamur Nokën nga funksioni i nënkryetarit të Komisionit të Sigurisë ka sjellë reagime të shumta ndër radhët e demokratëve, duke e thelluar edhe më tej krizën ku është zhytur PD që prej përjashtimit të ish kryeministrit Sali Berisha nga grupi parlamentar i PD.

Ashtu si Berisha edhe Noka do ta cilësonte vendimin ndaj tij të paligjshëm. Madje, ai zbuloi se ishte njoftuar nga kryetari, pasi ky i fundit e kishte komunikuar në media.

Ky vendim erdhi pasi Noka u shpreh ashpër ndaj kryetarit të PD-së, duke thënë se fati i karriges së Bashës është më i shtrenjtë se fati i partisë dhe i demokratëve.

Noka madje pretendoi se gjatë mbledhjes së komisionit të Sigurisë në PD, Basha kishte cilësuar si “llum” qeverisjen e Partisë Demokratike. Selia Blu hodhi poshtë pretendimet e Nokës, duke i cilësuar ato “përpjekje të dëshpëruara” dhe mohoi që kryetari Basha të ketë etiketuar anëtarësinë e partisë me fjalën “llum”.

“Kjo fjalë është përdorur për ata të cilët në qeverisjen e PD kanë mbushur xhepat me paratë e korrupsionit dhe sot, në partneritet me Edi Ramën dhe njerëzit e tij, duan të përdorin anëtarësinë e PD për interesat e tyre personalë dhe të pushtetit të Ramës”, sqaroi Partia Demokratike.

Pas takimit me ministren britanike për Europën, Wendy Morton, Basha tha se PD nuk mund të mbetet peng i interesave personale që  kërkojnë ta kthejnë PD në bunker.

Basha theksoi edhe njëherë se  kundërshtar dhe armik i demokratëve mbetet kryeministri Rama dhe ajo që ai e cilëson si “regjimi i tij”. Basha i cilësoi sajesa, shpifje dhe keqinformime ato të zotit Noka, ndërsa ky i fundit në një tjetër reagim në rrjetet sociale tha se kryedemokrati po e “lufton Ramën, duke përjashtuar dhe përçarë demokratët”. Basha saktësoi se Noka ishte paralajmëruar, por jo përjashtuar nga grupi i PD.

“Kush është llumi i qeverisjes jua them unë tani. Pra, fraza të dala indirekt apo dhe këtu nga kjo foltore, nga këto shkallë të Partisë Demokratike që janë sajesa dhe shpifje, i shërbejnë Edi Ramës”, tha Basha.

Megjithatë, ky vendim për shkakrimin e Nokës ngjalli shumë reagime brenda PD, kryesisht nga deputetë që kanë dalë hapur krah Berishës.

Reagimet:

Edmond Spaho: Lul mjaft me debime, fillo internimet tani.

Bjeru deputeteve si ne 45. Po ndonje pushkatim nuk do bejme?

Nuk e ben dot Enverin ti. I pari ishte historik, i dyti qesharak dhe i mjere.

Po te mblidhet litari, Lul, po te mblidhet.

 

Albana Vokshi: Për fjalën e lirë!

Censori i gazetarisë në Shqipëri, Edi Rama ka urdhëruar rikthimin në parlament të paketës anti-shpifje, të kritikuar me forcë nga të gjitha institucionet europiane dhe organizatat ndërkombëtare të medias.

Edi Rama po provon çdo ditë se e ka forcuar kontrollin absolut mbi median për të qeverisur i qetë mes krizash të sajuara e për të vjedhur edhe qindarkën e fundit në buxhetin e shtetit.

Europarlamentari David Lega ngre shqetësimet e tij për rikthimin e paketës “antishpifje” për shqyrtim në kuvend pa marrë në konsideratë rekomandimet e Komisionit të Venecias.

 

Tritan Shehu: Vazhdon cikli i ndeshkimeve te nates nga Z.Basha!

Po lexoj ne media se Z.Noka qenka shkarkuar pak me pare nga detyra e tij si N.Kryetar i Komisionit te sigurise, dhe per me shume eshte paralajmeruar per perjashtim nga Grupi Parlamentar….sepse paska folur a thene dicka!!

Sikur Noka te ishte Zhukovi i BS, qe u shkarkua ne ajer nga frika se mos nxirte tanket ne Moske ne mengjez!

I dyti „ndeshkim“ ky, pa asnje vendim kolegjial, pa u pyetur asnje forum, as Grupi vete, i marre nga Z.Basha ne oret e vona!

Fill mbas atij per Z.Berisha.

Te dyja arbitrare, pa respektuar rregullat, statutin, parimet e demokracise!

Pra realisht te pa vlefeshme, nul!

Ngjarje keto krejtesisht te gabuara per nje Parti Demokratike!

Ngjarje keto, qe ne fakt jane krejt ne kundershtim edhe me ate qe ne duhet te bejme e te realizojme.

Ne vend qe te rrezojme Ramen po “rrezojme” veten tone.

Nje element me shume ky, qe tregon sa i domosdoshem eshte Kuvendi i yne Kombetar, per te diskutuar e debatuar se bashku, per te dale nga kjo spirale kaq e rrezikeshme ndeshkimesh e perjashtimesh, qe po u la keshtu asnje nuk mund te parashikoje deri ku do shkoje e si do te perfundoje.

Nje gje mund ta parashikojme, faktin se kjo metodike, keto “masa” nuk ndjellin asgje te mire per PD; demokratet, demokracine shqiptare.

Prandaj sa me shpejt te shkojme ne Kongresin tone!

 

Sali Berisha: “Ka ndodh një gjë e tmerrshme me ish kryetarin, e ka kap një frikë e tmerrshme nga ju. nuk u takon, merr vendime nga zyra nga frika.

Së fundmi përjashtoi dhe Flamur Nokën nga kjo detyrë. Në mënyrë absolute, asnjë prej jush, as unë e askush nga ju nuk i ka faj për frikën që i ka hy. I ka vetë, vetë është peng dhe i pashpresë, ndaj a mund të jetë zot shtëpie që ka frikë nga gratë dhe burrat e shtëpisë, duhet të ikë sa më parë”

 

Luan Baçi: "Kush e ka radhën?Unë...? Ju.....? Ai......? Kush....? Partia Demokratike është parti e fjalës së lirë, e votës së lirë, kështu lindi dhe kështu do të vazhdojë!

Partia Demokratike nuk është prone e askujt, ajo është e dhjetëra mijëra anëtarëve dhe qindra mijëra votuesve dhe simpatizantëve të saj! Për këdo, që nga anëtari më i thjesht dhe deri në majën e piramidës, janë forumet ato që vendosin, është vota e tyre dhe askush tjetër!

Shkarkime, përjashtime, intimidime, presione për mbyllje goje, kurrsesi nuk funksionojnë deri në fund dhe absolutisht nuk janë në të mire të Partisë Demokratike!Ne duhet dhe do të vazhdojmë të gjithë bashkë, armiku jone i vetëm dhe i gjithë Shqiptarëve është Edi Rama dhe rilindja e tij, pavarësisht diferencave që kemi me njeri-tjetrin në gjykim dhe opinioneve që ndajmë.

Oerd Bylykbashi në Syri tv: Akti i Bashës ka krijuar çarje në PD, pasojat janë numerike. Blloqe të mëdha të elektoratit tonë janë pakësuar, një kryetar partie e bën këtë vetëm kur nuk ka eksperiencë. Nuk mund të konsiderohet “llum” nga Basha, duke përjashtuar shumë demokratë”, 

 

Bujar Nishani: Shkarkimi i Nokës demonstron krizë. Basha në tetë vjet nuk ka kuptuar as se çfarë është partia politike. Basha cilëson si “llum” ata që janë kritikët e tij. Lulzim Basha nuk e kupton Partinë Demokratike, që ka histori, identitet, ka sakrifica dhe kontekste të shumta. Është një situatë joserioze në PD. PD është aktualisht në situatë të rëndë. PD ka nevojë për rikonstruktim të plotë, tek kauzat kryesore të saj.

Tezat që ka nxjerrë Berisha tek “Foltorja” janë shumë të rëndësishme për t’u vënë në jetë në PD, primarja kthen respektin për votën. Sot PD ka nevojë që të kthehet në parti moderne. Dua t’i them Bashës që turp të kesh që e cilëson qeverisjen e PD llum, ai duhet të thotë se çfarë aferash ka bërë Partia Demokratike që bën të tilla cilësime. Turp që thua fjalën “llum” për njerëz që kanë dhënë kontribut në PD, e Basha ka pasur karrierë të pamerituar, falë punës të disa njerëzve punëtorë në PD

 

Reagimi i të figurave të tjera për PD:

Jozefina Topalli: "Kësaj here rradhën e kishte Flamur Noka, që është rritur në Partinë Demokratike. E paska shpallur armik të brendshëm!  Shoku Enver bënte mbledhje byroje në raste të tilla. Edhe për pak kohe do ketë vulën. Gjatë këtyre ditëve do shpallë edhe perjashtime të tjera… deri kur Kuvendi Kombëtar do i heqë edhe vulën bashkë me karrigen".

 

Arben Ristani: Pra nje anetar i grupit parlamentar, nuk mund te marre vendim te caktoje me detyre, ose te shkarkoje nga detyra, ose te perjashtoje nga grupi, nje anetar tjeter.

Perfundimisht, vulhumburi ka shkelur rregullat te cilat, se bashku kemi vendosur ti zbatojme.

Deviza e vulhumburit mu be e qarte kur mesova ngjarjen e meposhtme:

Ne nje bisede me disa kolege, vulhumburi u thote bashkbiseduesve: mami me ka thene, qe mos digjo se cte thone, por hec perpara.

Nderkohe qe ai ecen perpara dhe korr cka mbjelle, ne te tjeret te zbatojme ato rregulla qe kemi rene dakort se besoj do na dale per hajer.