Politikanët në rritje dhe ata në rënie gjatë 2024-ës. Politiko rendit emra nga mazhoranca dhe opozita

Politiko.al ka renditur pesë politikanët që 2024 u solli ulje në karrierë dhe pesë të tjerë që njohën rritje këtë vit.

Politikanët në rënie

ERION VELIAJ

Kryebashkiaku i Tiranës ishte në shenjëstër të denoncimeve nga opozita dhe së fundmi, edhe nga drejtësia. Veliaj është lidhur ngushtë me aferën e inceneratorëve për të cilën është denoncuar vazhdimisht nga opozita. Kryebashkiaku u denoncua nga ish-deputeti demokrat, Belind Këlliçi, si pronari faktit i inceneratorit.

Po ashtu, emri i Veliajt është lakuar në dosjen “5D” që çoi në pranga dy ish-drejtorët e Veliajt dhe 5 zyrtarë të tjerë. Redi Molla dhe Mariglen Qato të cilët akuzohen për korrupsion pasiv, pastrim parash dhe fshehje pasurie.

SPAK reagoi lidhur me hetimet ndaj Veliajt duke deklaruar se ka të dhëna konkrete se kryebashkiaku ka konsumuar 4 vepra penale: “Korrupsion pasiv i funksionarëve të lartë shtetërorë ose i të zgjedhurve vendorë”; “Korrupsion aktiv i funksionarëve të lartë shtetërorë ose të zgjedhurve vendorë”; “Pastrimi i produkteve të veprës penale ose veprimtarisë kriminale” dhe “Refuzim për deklarim, mosdeklarim, fshehja ose deklarimi i rremë i pasurive”.

LULZIM BASHA

Edhe pse nuk arriti dot kurrë të sillte PD-në në pushtet, Lulzim Basha vendosi të krijonte një parti të re për të vijuar ëndrrën për t’u bërë një kryeministër. Pasi gjykata I dha vulën dhe logon Berishës, Basha mbeti pa deputet pasi edhe më besnikët e braktisën.

Basha krijoi partinë IDEA, Iniciativa e Demokratëve Euroatlantikë. Edhe pse me pak mbështetës Basha duket se mban gjallë shpresën tashmë jo për të rrëzuar Ramën, por Berishën.

ILIR META/ MONIKA KRYEMADHI

Çifti u përfol gjatë 2024-ës pr një krizë mes tyre e cila u finalizua me një divorc. Kërkesën për ndarjen e njoftoi Meta pasi çifti i dha fund martesës 25-vjeçare. Meta akuzoi Kryemadhin për nepotizëm pasi vendosi ta përjashtojë nga Kryesia duke i lënë vetëm postin e deputetes.

Rënia e Metës arriti pikun kur u tërhoq forcërisht nga policia i akuzuar për pastrim parash, korrupsion dhe mosdeklarim pasurish. Ai është paraqitur më parë në dyert e SPAK për të diskutuar rreth dosjes CEZ-DIA dhe në vitin 2022 ka kallëzuar ish-deputetin Halit Valteri në këtë prokurori.

Ndaj Monika Kryemadhit, GJKKO i caktoi masën e sigurisë “detyrim paraqitje”. Kryemadhi po hetohet për tre akuza, pastrim parash, korrupsion dhe mosdeklarim të ardhurash.

ERVIN SALIANJI

Më 27 shtator Ervin Salianji u vetëdorëzua në ambientet e Policisë së Shtetit, pasi Gjykata e Apelit e dënoi me 1 vit burg, në kuadër të hetimeve për dosjen “Babalja”.

Salianji u dënua për kallëzim të rremë, dënim që e paralajmëroi Rama teksa e sulmonte nga foltorja e Kuvendit. I dënuar politikisht, Salianji ka reaguar edhe pse nga qelia, duke u bërë thirrje qytetarëve vazhdimisht t’I bashkohen protestive të organizuara nga opozita.

Me vendimin e Apelit, Salianji do të mbetet jashtë politikës dhe funksioneve publike, për të paktën 5 vite të tjera pas përfundimit të dënimit, sipas afateve që parashikon Kodi Penal, pra ai nuk mund të kandidojë në zgjedhjet e 2025 dhe 2029.

OGERTA MANASTIRLIU

Pas dështimit tek Shëndetësia, Ogerta Manastirliu do të sillte një tjetër dështim, kësaj here për arsimin. Mungesa e reformave dhe politikave i renditi fëmijët shqiptarët si “analfabetë” në raportin e PISA-s, me performancën më të ulët krijuese.

Përpos kësaj, vrasja e 14-vjeçarit Martin Cani nga bashkëmoshatari i tij në shkollën “Fan Noli” në Tiranë, i solli dështimin më të rëndë Manastirliut e cila teksa nga Kuvendi njoftohej vrasja e të miturit, ministrja qeshte me koleget socialiste.

Prindër, nxënës dhe qytetarë i kërkuan Manastirliut dorëheqjen nga posti i ministres, por bashkë me Ramën, Manastirliu njoftoi mbylljen e platformës TikTok si masë për të shmangur dhunën, bullizmin dhe sherret mes adoleshëntëve.

Politikanët në rritje

SALI BERISHA

Për 331 ditë, Sali Berisha e drejtoi betejën e opozitës kundër Ramës nga ballkoni i banesës, pasi u vendos në arrest shtëpie në kuadër të hetimeve për dosjen “Partizani”.

Berisha, bashkë me dhëndrin e tij Jamarbër Malltezi, u dënuan nga SPAK. Kreu i demokratëve, edhe pse në arrest, i riktheu Partisë Demokratike vulën dhe logon e marrë nga Lulzim Basha.

Përgjatë një viti të izoluar, Berisha drejtoi protestat që kërkuan lirimin e tij si edhe betejat e opozitës dhe mosbindjen civile ndaj qeverisë Rama. Në nëntor të 2024, Saali Berisha u lirua nga arresti shtëpiak duke shënuar një tjetër fitore.

GAZMENT BARDHI

Pas bashkimit dhe unifikimit të PD, Gazment Bardxhi u emërua nënkryetar i Partisë Demokratike, në përputhje me statutin. Bardhi denoncoi një sërë aferash, siç ishte ajo e Portit të Durrësit apo laboratori i drogës në Xibrakë.

Demokrati denoncoi Olsi Ramën si i përfshirë në dosjen “Xibraka” duke sjellë me fakte e të dhëna se si vëllai i kryeministrit kishte udhëtuar në të njëjtin mjet me trafikantët.

Bardhi paditi në SPAK zv.kryeministren Belinda Balluku për parkun fotovoltaik që do të ndërtohet në degën e Zadejës. Bardhi denoncoi se me dijeni të Ballukut, energjia elektrike është shitur me humbje jashtë tregut të bursës.

FREDI BELERI

Në shtatrot të 2024, Fredi Bleri fitoi lirinë me kusht pasi u dënua për shitblerje votash, pak ditë para zgjedhjeve të 14 majit 2023.

Nga qelia, Beleri u drejtua në Strasburg ku Beleri u zgjodh deputet i Parlamentit Europian me rreth 237 mijë vota, duke u renditur i katërti në listën me 7 fitues që garuan nën siglën e partisë në pushtet në Greqi, “Demokracia e Re”.

BELIND KËLLIÇI

Kur kandidonte me koalicionin “Bashkë Fitojmë” për kryetar bashkie në Tiranë, Belind Këlliçi denoncoi korrupsionin në Bashkinë e Tiranës. Këlliçi denoncoi se drejtori i Inspektoriatin të Mbrojtes së Territorit, Mariglen Qato ka punësuar familjarët e tij në disa sektore në Bashkinë e Tiranës, ndaj dhe si pasojë ka përfituar dhjetëra tendera me kompaninë e tij "5D".

Provat dhe faktet demokrati i dorëzoi në SPAK dhe më pas me nisjen e hetimeve, drejtorët e Veliajt u arrestuan dhe u lanë në burg.

Këlliçi i bëri thirrje SPAK-ut të hetojë edhe Veliajn, duke deklaruar se është pronari faktit i incedneratorit të Tiranës dhe kreu i bandës “5D”.

ELISA SPIROPALI

Pas dorëheqjes së Lindita Nikollës, Rama i dha postin e kryetares së Kuvendit Elisa Spiropalit. Nga posti i ministres së Shtetit për Parlamentin Spiropali kaloi si kryeparlamentare. Edhe pse nuk e priti me entuziazëm si post, Spiropali zuri vendin e Nikollës.

Nën drejtimin e saj, Kuvendi ka qenë i zhurmshëm dhe mes debatesh pas përlasjeve mes opozitës dhe mazhorancës.