Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Raporti i DASH për Shqipërinë, Doris Pack në Politiko: SHBA nuk po i merr seriozisht keqbërjet e ‘gonigalëve’ me Ramën
Doris Pack, ish-eurodeputete, aktualisht presidente nderi e grave të PPE dhe njëherazi presidente e institutit Robert Schuman ka mbajtur një qëndrim kritik ndaj SHBA në raport me skandalin me ish-agjentin e FBI, Charles McGonigal, ku i përmendur është edhe kryeministri Edi Rama.
Në një reagim për Politiko.al, Pack shprehet se SHBA nuk po i merr seriozisht keqbërjet e ‘gonigalëve’ siç i cilëson ajo të përfshirët në këtë dosje, bashkë me kreun e qeverisë shqiptare.
“Raportet e BE-së janë më të rëndësishme. Për sa kohë që SHBA nuk po i merr seriozisht keqbërjet e ‘gonigalëve’ me Ramën, apo për këshillat e vazhdueshme të ambasadores Kim për mediat, gjykatat, përfshirjen në politikë, nuk shoh ndonjë interes të veçantë për raportime të tilla”, tha ish-eurodeputetja kur u pyet për raportin e DASH për Shqipërinë, publikuar pak ditë më parë.
Ajo nuk i kurseu kritikat për qeverinë Rama kur tha se pakënaqësia ndaj saj shprehet nga shqiptarët teksa kanë arritur shkallën më të lartë të largimeve nga vendi.,
“Njerëzit në Shqipëri e dinë me siguri se çfarë po bëjnë apo po bëjnë keq Rama dhe miqtë e tij, kanë nevojë për ndihmë për të pasur një qeveri më të mirë, e cila të jetë vërtet e interesuar për nevojat e popullit të saj dhe të bëjë gjithçka që është e mundur për ta bërë jetën më të mirë në Shqipëri pasi shqiptarët kanë arritur shkallën më të lartë të largimeve nga vendi”, shprehet Pack në Politiko.al.