Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

81 vite pas çlirimit/ A është Shqipëria sot më e lirë apo më e kontrolluar?

Politiko 29 Nëntor 2025, 14:58

81 vite pas çlirimit/ A është Shqipëria sot më e

Shqipëria feston sot 29 Nëntorin, ditën kur vendi u çlirua nga nga pushtuesit gjermanë në vitin 1944.

 Por teksa flamujt valëviten për një fitore historike ndaj pushtuesve të huaj, realiteti politik i vitit 2025 i ngjan paradoksit më të hidhur: Shqipëria e çliruar dikur është sot e mbyllur në grushtin e një personi  të vetem.

Kryeministri Edi Rama, prej më shumë se një dekade në qeverisje, ka ngritur një sistem ku kontrolli është kthyer në mekanizëm mbi çdo hallkë të shtetit.

Nga ekonomia te tenderat, nga vendimmarrja te mediat, balanca e pushteteve është zëvendësuar nga balanca që mban vetëm një njeri.

Drejtësia, e reklamuar si reforma më e madhe e tranzicionit, sot shihet nga kritikët si një sistem i zhveshur nga pavarësia.

Episodi më i rëndë i këtij viti është rasti i Belinda Ballukut, nën hetim nga SPAK për procedura të dyshimta tenderash. Familjarët e saj, kompanitë, favorizimet dhe konfliktet e interesit të përfolura krijuan një labirint që do të trondiste çdo qeveri normale.

Por në Shqipërinë e sotme, hetimet nuk prodhojnë përgjegjësi politike  prodhojnë vetëm justifikime. Madje Balluku mbetet një prej figurave më të afërta me kryeministrin, një sinjal i qartë se afera nuk prish gurin që mban piramidën e pushtetit.

E ndërkohë që lufta ndaj drogës shpallet sukses në konferenca shtypi, realiteti është se Shqipëria mbetet një nga nyjet kryesore të trafikut në rajon.

 Në Shqipërinë e sotme, kryeministri e ka thënë troç: do iki kur të dua vetë, jo kur të dojë populli. Dhe kjo fjali është fotografia më e saktë e asaj që përjeton vendi,  një çlirim i festuar në kujtime dhe një bllokim i jetuar në përditshmëri.

81 vite pas Çlirimit, Shqipëria meriton më shumë sesa një pushtet që nuk njeh kufij. Meriton një shtet të lirë, jo një shtet të rreshtuar pas një njeriu./ N.F

Të fundit