Satira/ Pjesë nga "my kampf" i Rilindjes

Zef Zefi

 

Më 2013 skuadra pati një program, më 2017 kreu i skuadrës tha:

"...ça është kjo mo, që na ngatërrohet këtu. Ma hiqni sysh mor aman..."

Më 2021, nga përtesa për ta shkruar një të tillë, programin e shpalli përmendësh në Tv.

Në çdo gulçim grogësimë kokaine, në çdo fjali qelb, në çdo pauzë ngërdheshje.

Pjesë nga fjalimi.

(Për arsye etike, do të evitohen shkarjet pa dashje në fjalë të ndyra. Ato i gjeni live në fjalim)

...të renë, progresin tek ne e sjellin stërgjyshërit, heronjtë e luftës së humbur, kapitenët e emigracionit profesionist dhe denbabadenët e socializmit hoxhist.

Kjo është skuadra e platformës së re e socializmit rilindas të drejtimit të duhur që ndërtuam, dhe po i marrim kokrrat...

Kemi armikun përballë, roje parkingu monikat që duan të na prishin autokolonën....

Vraponi

pa pushim në mbrojtje të arritjeve të Rilindjes.

Sulm;

të mbrojmë Shqipërinë nga taborri që do te na ngrejë pagat dhe ulë taksat, do na rikthejë emigrantët...

Sulm per të mbrojtur drejtësinë... e drejtësisë së drejtësisë së të drejtit që jam modestisht vetë.

Sulm e zbor..., sulm e prap sulm per te zhdukur armiqtë e shëmtuar me fytyra të rrudhura. (Rilindja s’ka pleqëri).

Sulm për të mbrojtur Shqipërinë nga...Europa, anglo-amerikanët etj

Ky...pra ky. E shifni këtë? Ky të hyjë në parlamentin tonë...

Kjo...?

Apapa...!

Apo kjo tjetra drita jonë heroina jonë e punës socialiste, veterania e luftës mikrobike

Ne do te kemi mandatin e tretë, sepse akoma s'e kemi ndrequr Tërmetin.

Do të ndreqim tërmetin, kush e ndreq tërmetin...., kush përveç nesh, cili cila shqiptar e ndreqin thërmetin?

Kush do t’i ndreqë aeroplanët, aerodromët, aeroportet, këta? Jo ore jo, ne.

Po Portin kush e ndreq, e dini ju?

"Shqipëria fiton." Me kë fiton? Me këta, këto?

I shihni pamjet e tyre? I shikoni si janë?

Mmmm...! E mendoni dot?

Tirana me kë fiton me këta, me kë fiton Durrësi, Elbasani, Lezha... Gjirokastra, Delvina...?

Këta janë hall i madh për ne.

Zgjidhni e merrni...

Jemi të lehtësuar se kemi energjinë e re të stërgjysheve pa rrudha kundër opozitës me rrudha

Ligjin e kemi bërë ne për gratë... ne dhe gratë do ta gëzojmë ligjin.

Popullit i japim shumë zgjedhje, kaq shumë zgjedhje i japim popullit ne, për të bërë vetëm një zgjedhje. Për të na zgjedhur neve. Të vetmit, të duhurit...

E patë armikun...? Më besoni se jemi gati. Jemi gati për ndeshje. Më të mirët jemi

Do t’u puthim duart njerëzve që..., t’u kërkojmë ndjesë e t’i falenderojmë që na dhanë mandatin e dytë...dhe na falen sepse nuk i bëmë punët mirë.

Po ne i puthim prapë.

Kemi qëllime, kemi drejtim dhe e dimë ku duam e duhet të shkojmë. S’ua themi si ata? Nuk ju mjafton se këtë e dimë ne...?

Forca kurajo dhe vrap...vrap...vraponi... Vraponi gjyshe e stërgjyshe, heronj, heroina veterane, pensionistë...

Çdo votë është fitore për skuadrën.

Sulm, mesfushë, mbrojtje..., mbrojtësit na ruajnë të mos na hyjë...nga prapa goli i LSI-së... Tirana ka një kapiten. Hehe!

E bëmë Shqipërinë siç e shihni? Më të bukur do keni, po na e lini ne

Kjo është "my kampfi” jonë.

Ky është dhe Programi ynë politiko-ekonomik.

E hëngërt? Ju bëftë mirë.

Me shëndet programi ynë!