"Viktimat e Covid-19" - histori të dhimbshme që nuk ia dolën dot

Pandemia globale e shkaktuar nga virusi Covid-19 vazhdoi të mos kursejë jetë njerëzish edhe në vitin që lamë pas.

Edhe Shqipëria shënoi qindra viktima përgjatë vitit 2021, duke mos kursyer edhe fëmijë, gra shtatzëna, mjekë, apo edhe disa persona në familje në një hark kohor prej pak orësh.

Politiko.al rendis disa nga rastet më të dhimbshme që prekën edhe opinionin publik.               

Mjekët që humbën jetën

Aleksandër Hoxha

Muharrem Nonaj

Gerondi Husi

prof. dr. Hiqmet Shqerra 

Fizioterapisti i Kombëtares Ylli Mihali 

Fatos Zaçe

Adhon Polena

Gazetarët    

Anila Dushi, gazetare e njohur në Shkodër

Artjan Tepelena, tv Skan

Dy vëllezër ‘shuhen’ brenda 24 orëve

Kjo tragjedi u shënua në shkurt të këtij viti në rrethin e Matit, ku dy vëllezër kanë ndërruar jetë brenda 24 orëve si pasojë e Covid-19. Viktimat ishin Fatmir Domi, 60-vjeç dhe Luan Domi 55-vjeç.

Çifti i bashkëshortëve humbin jetën brenda ditës në Korçë

Një tragjedi ka ndodhur në një familje në Korçë, ku kanë humbur jetën një çift bashkëshortësh për shkak të Covid-19.

Bëhet me dije se çifti ka humbur jetën mbrëmjen e djeshme. Ata prej më shumë se dy javësh ishin të prekur nga Covid-19 dhe se prej disa ditësh ishin futur në intubim në spitalin e Korçës, pasi gjendje e tyre shëndetësore ishte përkeqësuar.

Koronavirusi nuk kurseu as gra shtatzënë apo fëmijë

Roza Qoja nga fshati Gjader i Lezhës , 4 muajshe shtatzënë nuk e fitoi betejën me sëmundjen. Pas disa ditësh në maternitetin e Tiranës, ajo humbi jetën bashkë me fëmijën.

Po ashtu, edhe në Sarandë, në fund të tetorit një fëmijë 5 vjeç ka ndërruar jetë si pasojë e COVID-19. Fëmija nuk kishte sëmundje të tjera por vuante nga obeziteti dhe peshonte rreth 54 kg.