Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

The Economist zgjedh “Vendi i Vitit 2021”. Sërish nuk është Shqipëria, por një fqinj i saj…

Politiko 31 Dhjetor 2021, 19:30

The Economist zgjedh “Vendi i Vitit 2021”. Sërish nuk

Çdo vit The Economist zgjedh "Vendin e Vitit". Vlerësimi nuk shkon për më të madhin, më të pasurin apo më të lumturin, por për atë që sipas mendimit tonë u përmirësua më shumë në vitin 2021. Fituesit e kaluar kanë përfshirë Uzbekistanin (për heqjen e skllavërisë), Kolumbinë (për paqen) dhe Tunizinë (për përqafimin e demokracisë).

Ky vit ishte i vështirë. Covid-19 vazhdoi të përhapte mjerim, pasi vaksinat e dizajnuara në mënyrë të shkëlqyer u shpërndanë në mënyrë të pabarabartë dhe u shfaqën variante të reja si Omicron. Në shumë vende liritë civile dhe normat demokratike u gërryen. Lideri kryesor i opozitës ruse u burgos. Mbështetësit e Donald Trump sulmuan Kapitolin amerikan. Luftërat civile pushtuan Etiopinë dhe Mianmarin. Megjithatë, mes errësirës, disa vende shkëlqenin.

Në Samoan e vockël gjykatat zbutën një krizë kushtetuese, rrëzuan partinë në pushtet, prej 33 vitesh, dhe një kryeministër që pretendonte se ishte zgjedhur nga Zoti dhe vendosën një reformiste, gruan e parë që mbante postin. Moldavia, një nga vendet më të varfra në Evropë, ka qenë prej kohësh një lavaman i pastrimit të parave ruse. Por në fund të vitit 2020 ajo zgjodhi si presidente Maia Sandu një luftëtareanti-korrupsionqë në vitin 2021 i dha partisë së saj kontrollin e parlamentit.

Zambia rifitoi demokracinë. Një vit më parë vendi ishte i korruptuar dhe i shkatërruar. Në gusht, sundimtarët e saj u përpoqën të manipulonin zgjedhjet, por Zambianët votuan për Hakainde Hichilema, një biznesmen liberal, me një diferencë aq të madhe sa manipulimi dështoi. Hichilema që atëherë ka arritur një marrëveshje me FMN-në, ka premtuar të shkurtojë subvencionet e kota për karburantin dhe energjinë elektrike dhe ka filluar të hetojë korrupsionin.

Lituania u ngrit gjithashtu për të mbrojtur vlerat demokratike. Nëse ky shtet baltik do të ishte një qytet, mezi do të hynte në Top 40 e Kinës për nga popullsia. Megjithatë, ajo sfidoi qeverinë në Pekin duke lejuar Tajvanin të hapë një zyrë përfaqësuese në Vilnius, kryeqyteti i Lituanisë. Ajo gjithashtu këshilloi qytetarët e saj që të hidhnin telefonat inteligjentë të prodhuar nga Kina, pasi shërbimet inteligjente gjetën në taçka atae quajtën ‘softuer censurimi’ që mund të aktivizohej pa paralajmërim.

Lituania iu kundërvu edhe regjimeve të tjera autoritare. Ajo u dha strehë disidentëve nga Bjellorusia fqinje dhe Rusia, duke përfshirë gruan që ndoshta fitoi zgjedhjet më të fundit të Bjellorusisë, Svetlana Tikhanovskaya. Despoti që e vodhi atë votim, Alexander Lukashenko, u përpoq të hakmerrej duke detyruar turmat e refugjatëve të kalonin kufirin lituanez. Lituania u përgjigj me vendosmëri, por më njerëzore se Polonia, të cilën Bjellorusia gjithashtu e provokoi në të njëjtën mënyrë. Kina është e vendosur të detyrojë Lituaninë të nënshtrohet. Një gazetë kineze u tall me madhësinë e saj, duke e krahasuar me origjinalitet të madh me "një mi, apo edhe një plesht". Demokratët kudo e admirojnë ashtin e saj. Edhe kështu, ajo nuk është fituesjajonë.

Ai nder i shkon Italisë. Jo për aftësitë e futbollistëve të saj, që fituan trofeun e madh të Europës, as yjet e saj të popit, që fituan konkursin e këngës në Eurovizion, por për politikën e saj. The Economist e ka kritikuar shpesh Italinë për zgjedhjen e liderëve, si Silvio Berlusconi, i cili mund të kishte ndjekur në mënyrë të dobishme këshillën e këngës fituese të Eurovizionit "hesht dhe sillu mirë". Për shkak të qeverisjes së dobët, italianët ishin më të varfër në vitin 2019 se sa në vitin 2000. Megjithatë këtë vit, Italia ndryshoi.

Me Mario Draghi-n, ajo fitoi një kryeministër kompetent, të respektuar ndërkombëtarisht. Më në fund, një shumicë e politikanëve të saj varrosën dallimet për të mbështetur një program reformash të plota që do të thotë se Italia merr fondet që i takojnë sipas planit të rimëkëmbjes pas pandemisë së BE-së. Shkalla e vaksinimit kundër Covid në Itali është ndër më të lartat në Europë. Dhe pas një viti të vështirë 2020, ekonomia e saj po rimëkëmbet më shpejt se ajo e Francës apo Gjermanisë. Ekziston rreziku që kjo fluskëe pazakontëe qeverisjes së arsyeshme të përmbyset. Draghi dëshiron të jetë president, një punë më ceremonial, dhe mund të pasohet nga një kryeministër më pak kompetent. Por është e vështirë të mohohet se Italia e sotme është një vend më i mirë se sa ishte në dhjetor 2020. Për këtë, ajo është Vendii Vitit. Auguroni!