KRYESORE

Vendimi i Apelit, Lela: Legaliteti duhet të kthehet i plotë me lirimin e kryetarit Berisha

Vendimi i Apelit, Lela: Legaliteti duhet të kthehet i plotë me lirimin

Drejtori i Komunikimit në PD, Alfred Lela ka reaguar pas vendimit të Gjykatës së Apelit e cila i dha vulën dhe logon e partisë, Sali Berishës.

Në një lidhje direkte për Euronews Albania, Lela u shpreh se kemi të bëjmë me një kthim në legalitet.

Lela shtoi se tashmë legaliteti duhet të kthehet i plotë me lirimin nga burgosja e Berishës.

“Lajm i mirë për shqiptarët, kthim në legalitet dhe normalite. Shkoi haka te i zoti. Edhe kundërshtarët politikë të PD duhet të jenë të gëzuar për legjitimitetin juridik të opozitës. Me këtë vendim i bie që drejtësia bën drejtësi kur do, kur sheh dhe kur e ka vullnetin. Nuk pashë ndonjë hije dyshimi, nuk ka asnjë kleçkë që mund ta pengojë këtë festë.

Nuk e di çfarë ndodh me pjesën tjetër, sepse udhëtimi i tyre ka qenë i helmatisur, pengues për PD. PD duhet të shohë nga e ardhmja. PD është e cunguar ende. Legaliteti duhet të kthehet i plotë, për lirimin nga burgimi të kryetarit Berisha, i cili është i burgosur politik”, tha Lela.

Të fundit