Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

KRYESORE

Video/ “Kemi një derrkuc kursimesh”, si e kthenin luksin në modesti çifti Veliaj-Xoxa?

Politiko 11 Shkurt 2025, 14:57

Video/ “Kemi një derrkuc kursimesh”, si e kthenin luksin

Erion Veliaj u arrestua të hënën i akuzuar për korrupsion dhe pastrim parash, ndërsa për bashkëshorten e tij, Ajola Xoxa, SPAK caktoi masën e sigurisë “arrest në shtëpi”.

Veliaj akuzohet se me firmën e tij ka miratuar në çdo rast shpërndarjen e fondeve publike si edhe lejet e ndërtimit tek disa subjekte tregtare, të lidhur ngushtë me të. Sipas hetimeve të SPAK, çifti Veliaj-Xoxa akuzohen për shpërdorimin e rreth 850 mijë euro në luks të shfrenuar.

Por, këto para të shpenzuara kryesisht nga Ajola në veshje e bizhuteri, çifti dikur i shiste si kursime që i mbanin në një “derrkuc të vogël”.

Madje, asokohe në një intervistë televizive, Veliaj shprehej se bënin një jetë modeste me derrkucin e kursimeve, dhe Ajola ia aprovonte duke qeshur.

“Ne bëjmë një jetë shumë modeste, është turp ta themi por kemi një derrkuc të vogël nga ato që vihen kursimet”, deklaronte Veliaj.

“Është shumë mirë e laburuar si mënyrë kursimi”, ia pasonte Ajola.

“Nuk jua rekomandojmë më mirë mbajini kursimet në bankë. Ajo që dimë të themi është se kemi një xhep të vogël dhe si ashtu pa dashje gjithmonë vëmë diçka mënjanë e kur bëhet mjaftueshëm gjithmonë gjejmë një mënyrë të shpejtë e të lirë për të udhëtuar e bëjmë”, thoshte Veliaj.


Por, të kundërtën thotë SPAK në hetimet e tij, që nuk na flet për një “derrkuc të vogël”, por për një skemë të pastër të përfitimit dhe pastrimit të parave.

Ajola Xoxa brenda 4 viteve ka blerë rroba dhe bizhu të pa deklaruara në shumën 86 milionë lekë ose rreth 850 mijë euro.

Të fundit