Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbardhet vendimi i KPK-së, gjyqi kundër PD-së (pasi u përdor) ishte një nga arsyet e shkarkimit të gjyqtares Blerina Muço

Politiko 6 Janar 2024, 13:41

Zbardhet vendimi i KPK-së, gjyqi kundër PD-së (pasi u

Komisioni i Pavarur i Kualifikimit, KPK vendosi më 1 nëntor 2023 të shkarkojë nga detyra gjyqtaren e Tiranës, Blerina Muço, pasi shumica e trupës përbërëse konkludoi se ky subjekt rivlerësimi nuk arriti nivel të mjaftueshëm për pasurinë, si dhe se në vlerësimin tërësor të çështjes u evidentuan probleme që cënojnë besimin e publikut tek drejtësia.

Po ashtu, duket se një nga shkaqet që çuan në shkarkimin e Muços ka qenë edhe vendimi i saj për gjyqin e Partisë Demokratike.

Gjyqtarja e Tiranës vendosi t’i japë të drejtën grupit të përfaqësuar nga Enkelejd Alibeaj për të ankimuar vendimin e kolegut të saj, Agron Zhukri, i cili njohu aktet e Kuvendit Kombëtar të 11 Dhjetorit 2021, në bazë të të cilit Partia Demokratike drejtohet nga Komiteti i Rithemelimit.

“K.R, me përfaqësues z. F.N, i është drejtuar Komisionit me një kërkesë-ankesë, për ta shqyrtuar në kuadër të procesit të rivlerësimit për gjyqtaren e Gjykatës së Rrethit Gjyqësor Tiranë, znj. Blerina Muça. Kjo ankesë ka lidhje me vendimin e datës 22.4.2022, me të cilin është vendosur pranimi i ankimit të palës ankuese, P.D.Sh, përfaqësuar nga nënkryetari i saj, z. E.A, ndaj vendimit nr. ***, datë 25.3.2021, të Gjykatës së Rrethit Gjyqësor Tiranë. Denoncuesi bën me dije se është i vetmi organ drejtues i P.D, bazuar në Kuvendin e kësaj partie në datën 11 dhjetor 2021 dhe pranuar nga gjykata me vendimin nr. ****, datë 25 mars 2022.

Kundër këtij vendimi ka ushtruar ankim deputeti i PDSH-së, E.A, duke mbajtur arbitrarisht postin e ish-nënkryetarit të kësaj partie, post nga i cili ishte shkarkuar nga delegatët e Kuvendit të datës 11 dhjetor 2021. Në datën 22.4.2022, gjyqtare Blerina Muça (çuditërisht kjo gjyqtare nuk është përjashtuar nga shorti elektronik, ashtu siç ka ndodhur me gjyqtarin A. Zh.) ka marrë në shqyrtim këtë ankim, duke vendosur pranimin e këtij ankimi nga PDSH, përfaqësuar nga nënkryetari i saj E. A. Denoncuesi pretendon edhe se kërkuesi E. A nuk mund të legjitimohej si ankimues, pasi nuk kishte tagra përfaqësimi dhe nuk ishte palë në proces, kjo referuar nenit 422/a të Kodit të Procedurës Civile. Ankuesi nuk është përfaqësues legjitim i ndonjë pale në procesin e shqyrtimit të kërkesës.

Kontrolli mbi legjitimimin që bën gjykata në këtë rast, nuk është substancial, po vetëm formal dhe procedural, duke verifikuar nëse ankuesi është një palë që ka qenë në proces apo jo (duke cituar një vendim të Gjykatës së Lartë nr. ***, me palë paditëse B. V dhe të paditur L. Gj etj). Në çështjen gjyqësore lidhur me kërkesën e PDSH-së për të regjistruar statusin dhe vendimmarrjet e Kuvendit Kombëtar të korrikut 2021, i është referuar kërkesës së paraqitur nga K.R me objekt “Pushimin e gjykimit”, duke mos e marrë në shqyrtim atë, me arsyetimin e “mungesës së cilësisë procedurale të palës në proces. Pranë Gjykatës së Rrethit Gjyqësor Tiranë është e konsoliduar praktika e mospranimit të ankimit nga palët të cilat nuk legjitimohen””, thuhet ndër të tjera në vendimin e Komisionit të Pavarur të Kualifikimit.

Në përfundim, KPK sqaron se “Shpjegimet e subjektit mbi kalimin e barrës së provës për këtë çështje nuk duken të arsyetuara dhe bindëse. Gjithashtu, në përfundim të vlerësimit konstatohet se subjekti i rivlerësimit ka legjitimuar një palë në kundërshtim me Kodin e Procedurës Civile (450/ç), pasi, nga të dhënat e rezultuara nga vendimi gjyqësor, pala ankuese nuk kishte kërkuar pranë gjykatës më parë ndërhyrjen si palë ndërgjyqëse sipas nenit 194 të Kodit Procedurës Civile, me qëllim të ushtrimit më tej të së drejtës ankimore”.

Vendimi i gjyqtares Muça shkaktoi reagimin e menjëhershëm të përfaqësuesve ligjorë të Rithemelimit, por edhe ekspertëve ligjorë, të cilët e konsideruan atë në shkelje të ligjit procedurial dhe praktikës gjyqësore.

Ekspertët që e njohin me detaje konfliktin gjyqësor mes demokratëve, vlerësojnë se gjyqtarja Muça ka gabuar duke legjitimuar grupin e drejtuar nga Alibeaj për të bërë ankim në Gjykatën e Apelit kundër Komitetit të Rithemelimit.