Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Kufiri detar", Rama: Shpresoj të pres kryeministrin grek në Shqipëri, jam krenar që kam mik Erdoganin

Politiko 20 Shtator 2020, 10:15

"Kufiri detar", Rama: Shpresoj të pres kryeministrin grek në

"Një përvojë absurde tipike ballkanike dhe klasike të patriotizmit të rremë" Kështu e ka cilësuar kryeministri Edi Rama debatin e ngritur së fundmi në vendin tonë, pas deklaratës së kryeministrit grek Kyriakos Mittsotakis se shteti i tij do të zgjerohej me 12 milje në detin Jon.

Gjatë një intervistë për kanalin televiziv grek MEGA, Rama tha se Greqia dhe Shqipëria nuk mund të vazhdojnë me zgjerimin e ujrave detarë në mënyrë të njëanshme, pa marrëveshjen ndërmjet tyre, pasi sipas tij, kjo nuk është e mundur. Ndërsa, u shpreh i bindur se do të gjejë një zgjidhje me Greqinë.

“Ne nuk e mirëpritëm asnjë marrëveshje. Ne sapo kaluam një përvojë absurde tipike ballkanike dhe klasike të patriotizmit të rremë, i cili ndezi formën më ekstreme të zjarrit, pasi Kryeministri juaj iu drejtua parlamentit, gjatë diskutimit të marrëveshjeve detare me Italinë dhe Egjiptin. Kishte një diskutim në lidhje me të drejtën e vendit për të zgjatur ujërat territoriale në 12 milje, e cila bazohet në traktatin ndërkombëtar të Montegos. Çdo vend që ka dalje në det ka të drejtën dhe nuk është diçka për të cilën negocioni ose kërkoni nga të tjerët të zgjerojnë ujërat tuaja atje ku është e mundur.

Kur kjo nuk është e mundur, vendet duhet të vijnë në një marrëveshje, ndërsa çështja midis Greqisë dhe Shqipërisë është e veçantë, sepse të dy vendet nuk mund të vazhdojnë me zgjerimin e tyre në mënyrë të njëanshme, pa marrëveshjen ndërmjet tyre, sepse natyrisht një gjë e tillë nuk është e mundur. Ne jemi pranë njëri-tjetrit, nuk mund të bëjmë gjëra vetëm ose nuk mund të jetojmë pa e kuptuar dhe pa respektuar faktin që tjetri është pranë nesh. Ne duhet të arrijmë një marrëveshje dhe jam i bindur që do të gjejmë një zgjidhje”, ka deklaruar Rama.

Rama tha se do të presë në Shqipëri për të diskutuar për këtë marrëveshje ministrin e Jashtëm grek dhe më pas shpreson të presë dhe homologun e tij, Mitsotakis.

“Pas disa javësh unë do të pres Ministrin e Jashtëm në Shqipëri për të diskutuar këtë çështje dhe menjëherë më pas shpresoj të pres Kryeministrin grek. Ai vetë ka vizituar Shqipërinë përpara se të merrte post politik dhe është koha që ai të kthehet. Babai i tij ishte zyrtari i parë grek që vizitoi vendin edhe para rënies së regjimit. Ishte një vizitë shumë interesante dhe e rëndësishme”, ka deklaruar kryeministri Rama.

Sa i përket konfliktit turko-grek, Rama ka nuk e ka fshehur që Erdogan është miku i tij.

“Jam krenar që e kam mik. Greqia dhe Turqia janë dy vende mjaft të afta të zgjidhin vetë çështjet e hapura. Mesa duket kanë pikëpamje kontradiktore, por është në interes dypalësh të përbashkët të zgjidhin konfliktete e të ndërtojnë sëbashku të ardhmen”. ka thënë kryeministri shqiptar.