Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

KRYESORE

Kundër aksit Francë-Gjermani, Italia kërkon nga Tirana rigjallërimin e Nismës së Europës Qëndrore

Politiko 16 Janar 2019, 10:33

Zv/kryeministri i Italisë, Matteo Salvini, deklaroi pak ditë më parë se vendi i tij së bashku me Poloninë do të punojnë për ndërtimin e një ‘Europë të re’. Ky qëndrim i kundërvihet aleancës Francë-Gjermani, që së fundmi planifikohet të thellohet edhe më shumë, në kuadër të dominimit të Bashkimit Europian.

Roma po bën gjithashtu përpjekje për rigjallërimin e Nismës së Europës Qëndrore, një forum ku bëjnë pjesë 18 shtete të Evropës lindore, qendrore dhe juglindore.

Ministri i Jashtëm italian, Enzo Moavero Milanesi, gjatë vizitës që zhvilloi dje në Tiranë vendosi disa herë theksin te bashkëpunimi në këtë forum.

“Bashkë ndajmë edhe kuadrin e të ashtuquajturës Nismë të Evropës Qendrore që ka të bëjë me zonën qendrore Evropiane dhe Ballkanin që do të jetë një mundësi e rëndësishme dialogu, veprimi të përbashkët, analize të çështjeve që i përkasin vendeve që bashkë ndajnë perspektivën e Mesdheut Qendror dhe Lindor. Një zonë që është shumë e ndjeshme, shumë e rëndësishme nga këndvështrimi politik, për fat të keq edhe nga ana e konflikteve,  si dhe e rëndësishme nga pikëpamja ekonomike dhe tregtare. Janë lidhjet që kemi nga kjo pikë e Mesdheut, që nga kanali i Suezit, thelbësore për shkëmbimet në një botë të globalizuar”, u shpreh Milanesi gjatë konferencës me homologun Ditmir Bushati.

Më tej ai shtoi: “Ndaj quaj të rëndësishme të deklaroj se Italia që ka presidencën e Nismës së Evropës Qendrore për vitin 2019, në qershor do të zhvillojë në Trieste ministerialin. Një qytet i afërt me zonën Ballkanike dhe Shqipërinë. Kisha dëshirë ta jepja këtë njoftim në këtë rast nga Tirana, jo nga Roma, në shenjë miqësie midis dy vendeve.”

Edhe ministri shqiptar, Bushati, foli për bashkëpunimin me Italinë në kuadër të kësaj nisme.

“Gjithashtu me Italinë ne kemi një bashkëpunim të shkëlqyer edhe në kuadër të Nismës Qendrore Evropiane dhe do të vijojmë që të sinkronizojmë përpjekjet tona dhe iniciativat tona për të projektuar më shumë stabilitet demokratik, më shumë prosperitet në Ballkan dhe në Mesdhe”, tha ai.

E themeluar në vitin 1989, pjesë e Nismës së Europës Qëndrore janë aktualisht: Shqipëria, Italia, Austria, Bjellorusia, Bosnje-Hercegovina, Bullgaria, Kroacia, Republika Çeke, Hungaria, Maqedonia, Moldavia, Mali i Zi, Polonia, Rumania, Serbia, Sllovakia, Sllovenia dhe Ukraina.

*Shtetet e Nismës së Europës Qëndrore

Të fundit