Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kur Besa Shahini i bënte apel PS dhe PD: Njihni rezultatin e zgjedhjeve ose Shqipëria do destabilizohet

Politiko 28 Janar 2019, 18:45

Kur Besa Shahini i bënte apel PS dhe PD: Njihni rezultatin e zgjedhjeve

Ministria e re e Arsimit dhe Sporteve, e ftuar në emizionin ‘Zonë e Lirë’, përveç njohjeve të hershme me Erion Veliajn dhe Elisa Spiropalin, zbuloi se ka qenë edhe vëzhguese e Zgjedhjeve të Përgjithshme të vitit 2013, të cilat u fituan nga Partia Socialiste, qe ne total mori 66 deputet, pa llogaritur aleatet.

Shahini, nuk shprehu shumë detaje mbi raportimet e saj, megjithatë, ekziston një intervistë për ‘Zërin e Amerikës’, dhënë më datën 8 maj 2013, ku paralajmëronte se nëse do kontestohet rezultati i zgjedhjeve, atëherë vendi rrezikon të shkojë drejt një cikli tjetër destabiliteti.

“Problemi kryesor me Komisionin Qendror të Zgjedhjeve është i dyfishtë. E para është që me largimin e një anëtari në një mënyrë që nuk parashihet në ligj sipas analizës sonë, është bërë një thyerje e parimeve kryesore, që duhet të mbizotëronin organizmin e zgjedhjeve. E dyta është që ka mbetur një KQZ me katër anëtarë për shkak se tre anëtarë të tjerë dhanë dorëheqjen dhe është një KQZ gjysmake që mund të kryejë vetëm një pjesë të funskioneve. Nuk mundet të kryejë disa funksione kyçe që kanë të bëjnë me gjykimin e ankesave që mund të ndodhin pas zgjedhjeve. Në këtë rast pra kemi një problem të madh kur dihet se në Shqipëri disa prej cikleve zgjedhore kanë qenë të kundërshtueshme dhe me një KQZ të tillë ne frikësohemi që mund të kemi përsëri kontestim të rezultatit të zgjedhjeve dhe mundet në një farë mënyre që Shqipëria me zbritë në një cikël tjetër destabiliteti që nuk është në fakt një problem vetëm për Shqipërinë por për gjithë rajonin”, paralajmëronte Shahini, duke folur në emër të Iniciativës Evropiane për Stabilitet me qendër në Berlin.

Shahini, në atë kohë u bëri apel partive politike që të respektojnë kodin zgjedhor, pasi në të kundërt procesi nuk do të ketë besueshmëri.

“Qëllimi i ligjeve është që pavarësisht nëse i pëlqen një ane apo tjetrës, ato duhet të respektohen. Pas reformës zgjedhore të vitit 2012, është vendosur një kod i ri zgjedhor i cili përcakton shumë qartë rregullat e lojës për organizimin e zgjedhjeve. Nëse kjo nuk respektohet atëherë është shumë vështirë të kuptosh se në çfarë mënyre mund të rritet besueshmëria në procesin zgjedhor në Shqipëri, i cili gjithashtu është i kontestueshëm. Ka të bëjë natyrisht me dëshirën politike, ose të partive politike për zgjedhje të lira dhe të ndershme por në thelb kjo është çështje e respektimit të rendit dhe ligjit, të cilën shqiptarët duhet të dëshmojnë sa më shpejt që të jetë e mundur se janë në gjendje ta bëjnë në mënyrë që të lëvizë përpara drejt integrimeve evropiane evropiane”, deklaronte Shahini.

Shahini u emërua në krye të dikasterit të arsimit, pas shkarkimit të Lindita Nikollës, në një kohë që prej 8 muajsh ka punuar si zëvendës ministre.