Flash News

“Doja ta bëja…”, zbardhet dëshmia e shiptarit që vrau ish-gruan në Itali

Përplasen dy automjete në Korçë, një i plagosur

Foto/ Nënë e dy fëmijëve, kush është shqiptarja që u vra me thikë, ishte divorcuar para 3 vitesh nga autori

Itali/ 45-vjeçarja shqiptare vritet me thikë nga ish-bashkëshorti

Posta e mëngjesit/ Me 2 rreshta: Çfarë pati rëndësi dje në Shqipëri

OP-ED

Kur populli tradhëton besimin e qeverisë 

Politiko 7 Janar 2019, 16:40
Kur populli tradhëton besimin e qeverisë 

Zef Zefi

Më 16-17 Qershor 1953, RDGJ e at'hershme, Gjermania Lindore e ndarë mbas Luftës së Dytë botërore, përfshihet nga protestat. Shkaku i protestave, u konsideruan disa masa drastike që mori qeveria socialiste nëpermjet centralizmit ekonomik, për ta rritur prodhimin mbi 10%. Kryesisht për shkak se Perëndimi gjerman po jetonte Ëirtschaftsëunder-in (bumin ekonomik) nga ndihmat amerikane. Stalinistët në vend të çonin ndihma ekonomike për gjermano-lindorët si amerikanet për gjermano-perëndimorët, dërguan 20.000 ushtarë e qindra mijëra tanke e autoblinda, duke i shtypur me gjak. Shtypi i atëhershëm që i shërbente me zell dhe detyrim ligjor qeverisë socialiste, shkruante me germa të mëdha se me këto protesta, populli ka tradhtuar besimin e qeverisë dhe nuk do ta ketë të lehtë që ta rifitojë atë.

Shkrimtari dhe dramaturgu marksist e socialist Bertold Breht, mbështetur në sa lexohej nga kryeartikujt e gazetave, shton sarkazmën e vet: "...në këtë rast, mendoj se do të ishte ma mirë ta shkrijmë fare popullin për të zgjedhur një tjetër..." Thelbi i sarkazmës së shkrimtarit konsistonte në guximin dhe pafytyrësinë e Qeverisë dhe pushtetit socialist ta trajtonte popullin dhe opinionin publik si objekt përpunimi qeveritar.

Noam Comsky në dy nga 10 strategjitë e mashtrimit të opinionit shënon: E para: "Strategjia e shpërqendrimit: Është element i hershëm i kontrollit shoqëror që konsiston në shmangien e vëmendjes së publikut nga çështjet e rëndësishme, nga problemet shoqërore serioze, dhe nga ndryshimet e ndërmarra prej elitave ekonomiko-politike, përmes teknikës së përmbytjes me informacione të parëndësishme. Mbajtja e publikut të zënë me problematika dytësore, të parëndësishme, pa i dhënë mundësi të reflektojë. Ndryshe quhet "arma me silenciator, për të vrarë tinëz...". E pesta: Strategjia e trajtimit të publikut si fëmijë. Pjesa dërrmuese e reklamave përdor diskutime, argumente, personazhe dhe një intonacion fëmijëror, shpesh herë afër dobësisë, sikur spektatori të ishte foshnje ose i mangët në tru. Sa më shumë që tentohet gënjimi i spektatorit aq më shumë përdoret toni foshnjarak. Përse? Nëse dikush i drejtohet një personi sikur ky të ishte 12 vjeç, atëherë, në bazë të sugjestionit, personi në fjalë do të përgjigjet ose do të reagojë pa frymën e duhur kritike, sikur të ishte vërtet fëmijë.

Gjatë konferencës për shtyp të kryeministrit socialist, vetë ose nëpunësit e tij që paguhen me lekët e taksave të të gjithë shqiptarëve, bash në stinën e protestave, shpërndajnë këtë qarkore: "...Goca dhe çuna, pershendetje te gjitheve! Sot eshte dita e parafundit e ketij viti kalendarik, POR per ne është viti i ri politik. Sepse sic e dini, ne oren 12.00 Kryeministri zhvillon LIVE ne facebook&Tëitter konferencen tradicionale te fundvitit, e në te njejten kohe, edhe bashkebisedimin me gazetaret! Ndaj, te gjithe sebashku le ti bejme share ne menyre qe Mesazhi yne te ndiqet e percillet nga sa me shume njerez. Forca! Share, share, share. Suksese!".

Tri ditë përpara Konferencës për shtyp të Kryeministrit socialist, vdiq Amos Oz i cili pesëdhjetë vjet më vonë nga sarkazma e Brehtit, publikon librin "Hoë to cure a Fanatic" (2002) nëpëmjet të cilit shkrimtari nënvizon rrëzikun e regresit infantil të shoqërive, ku njerëzit mund të kthehen në anëtarë të një kopështi parashkollor për të pushtetshmit. "...të zhveshur nga ideologjitë, mbasi ato janë flakur si zhele, por të frenuar, mosbesues e të zhgënjyer nën qeveritë e tyre, zgjedhësit mbeten një pré e lehtë për premtimet e fryra dhe të pafytyra të politikës gjoja të re që galvanizon masat. Shkrimtari i madh nënvizon gjithashtu se këta të pafytyrë i rekrutojnë njerëzit duke u tundur atyre në sy fantazmat e vjetra.

Sigurisht, populli në këtë stinë protestash duhet të ketë tradhtuar besimin e qeverisë.

Të fundit