Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Kur Rama kthehet në vendin e krimit”, deputetja Tabaku: 16 mln euro janë paguar për inceneratorin, asnjë tullë nuk është vendosur

Politiko 9 Mars 2019, 14:01
“Kur Rama kthehet në vendin e krimit”, deputetja Tabaku: 16 mln

Në takimin që zhvilloi në qytetin e Fierit, kryeministri Edi Rama foli edhe për ndërtimin e inceneratorit, por deputetja e PD, Jorida Tabaku, ka reaguar duke e konsideruar projektin si një nga aferat korruptive më të mëdha të kësaj qeverie.

178 milionë euro pa tender i janë falur një kompanie për ndërtimet e inceneratorëve, thotë Tabaku, ndërkohë që për inceneratorin në fshatin Verri të Fierit janë paguar tashmë 16 milionë euro, por asnjë tullë nuk është vendosur.

Deputetja demokrate paralajmëron se këto kontrata do të jenë të parat që do të bëhen subjekt i ligjit anti-mafia.

Reagimi i plotë i Jorida Tabakut:

Inceneratorët janë një nga aferat korruptive më të mëdha të kësaj qeverie, 178 mln euro pa tender, me procedura antiligjore dhe tërësisht korruptive, të falura një kompanie pa eksperience, me aksionerë offshore, pa punonjës e lidhur me pushtetin. Një rast aq evaziv saqë edhe Zëri i Amerikës, që kryeministri e ka pagëzuar tanimë si “kazan” ka folur për të.

Për ta kuptuar se sa korruptive është procesi i dhënies së lejeve inceneratore mjafton të përmendim se 17 vkm janë dhënë brenda një dite. Për të grabitur para publike që kanë shkuar dhe do të shkojnë në xhepat e Klodian Zotos (por edhe kush fshihet pas tij).

Kush ka dyshime për krimin ekonomik (por edhe atë mjedisor) le të shohë inceneratorin e Fierit, që do të ndërtohej në fshatin e Verrisë. Janë paguar nga buxheti i shtetit 16 mln euro dhe akoma nuk po hidhet as edhe një tullë. Fshati po zbrazet, njerëzit po ikin, paratë e shqiptarëve i janë paguar firmës së Klodian Zotos por nuk ka shenjë të fillimit të këtij projekti.

Projekti i inceneratorëve në Fier rezulton të jetë fantazmë, ama në Tiranë po realizohet duke u shndërruar në barrë për gjithëkënd. Prandaj kontratat e inceneratorëve do të jenë nga të parat që do te jetë subjekt i ligjit antimafia. Kushdo që ka firmosur, përfituar dhe punuar në dëm të buxhetit dhe qytetarëve do të vihet para ligjit. Fondet do të shkojnë për komunitetin!

Rama fatkeqesisht kudo qe shkon vetem krim shkakton kete here ekonomik e mjedisor.

Fieraket prandaj protestojne sot e do protestojne dhe me 16 Mars!

Të fundit